LATE na ng gabi pero hindi pa rin makatulog si Hunter. Ayaw siyang patulugin ng kaniyang inis sa babaeng iyon.
Ang galing umarte! Napaniwala nito ang mommy niya sa mga paawa-epek nito.
Bumaba siya sa kusina para uminom ng malamig na tubig. Pakiramdam niya kasi ay sasabog na siya sa init ng kaniyang ulo.
Habang umiinom ay nanumbalik sa kaniya ang napag-usapan nila ng kaniyang ina pagkatapos ng hapunan.
***
"Well, may dahilan siya kung bakit niya nagawa ang mga bagay na iyon, anak. She's right. Kailangan niyang mag-survive."
"This is unbelievable!" iiling-iling niyang sambit. "Bakit ba gusto ninyo ang babaeng iyon?! Is it because of the promises?"
"Yes! At dahil gusto ko siya noon pa. I like her personality. Magaan ang loob ko sa kaniya. Compare sa mga babaeng pinakilala mo sa akin,
