"CHRISTOF ICHAVEZ! LONG TIME NO SEE."
'Christof Ichavez?'
Umawang ang mga labi ni Amber kasabay ng paglaki ng mga mata niya. Buong pagtataka niyang tiningnan si Felix na inaasar ng ngisi si Tope.
"Felix, hindi Christof ang pangalan niya. Siya si Tope at hindi Ichavez ang kaniyang apilyedo. Napagkamalan mo yata ang kaibigan ko."
"Guess you don't know your friend that well, Amber."
Nangunot na ang kaniyang noo at nalilitong binalingan si Tope.
"Tope?" Nahuli pa niya ang matalim na tingin ng kaniyang kaibigan kay Felix bago pa man siya nito hinarap.
"Huwag mo siyang pakinggan. Hindi ko siya kilala. Tsaka, 'di ba sinabi ko na sa inyo noon na huwag kayong magdadala ng kahit sinong aso dito sa bahay? Hindi ka dapat nagtitiwala sa kahit na sino, Amber! Lalo na ngayong nasa panganib ang
