Hindi pa rin maalis-alis ang matamis na ngiti sa aking mga labi. Kadarating ko lang dito sa condo ko mula sa Martenei Hospital at hindi pa rin marelax ang puso ko mula sa mabilis na pagtibok nito. Alam ko na hindi ito dahil sa pagod kundi dahil sa isang tao na nagpagulo ng mundo. Dahil ito kay Robby. Dahil nakita ko na naman sya at nakasama ng isang oras. It has been a month mula nang tanggapin ko ang pagiging psychologist ni Pierre Robert Salvador. At masasabi ko na mula nang araw na magkakilala kami ng personal at mabigyan ako ng pagkakataon na mahawakan ang kanyang kamay, nagsimula nang mas gumulo pa ang mundo ko.
Lingid sa kaalaman ng lahat, matagal ko nang naririnig ang pangalan ni Pierre Robert. May mga alam na rin akong impormasyon sa kanya at ang mga yun ay galing kay Katrina. Kay
