Papungaspungas na bumangon si Cyril at naupo sa gilid ng kama. Nang lingunin niya si Adam ay nakasubsob ito sa unan na yakap nito. Nag-alala siyang hindi ito makahinga kaya maingat na hinila niya ang unan palayo sa mukha nito. Bumulong ito at tumihaya. Nang may pumasok na kalokohan sa ulo niya ay tumaas ang sulok ng labi niya.
Itinaas niya ang kamay at pinadaanan ng daliri ang mahabang pilik mata nito. His eyelashes flickered. He repeated what he had done and Adam raised his hand to rub his eyes. Hindi pa rin ito nagigising na kumilos ito at dumapa sa kama.
Naiiling na bumangon na siya at tinignan ang oras. Nagulat siya nang makita iyon. Alas siyete na ng umaga. Ito pa lamang ang unang beses na late siyang gumising dahil alas sais pa lamang ay gising na siya at naghahanda na para pumunta
