Performances
ITINULAK ni Astraea si Yvo palayo at saka magkabilaang sinampal sa pisngi.
"Damn you, Yvo! Curse you!" nanggagalaiting sigaw ni Astraea at saka nagmamadaling tumakbo patungo sa kinaroroonan ni Melody na naestatwa na sa puwesto.
Nang mapansin siya ng dalaga ay agad naman nitong itinuro ang direksyong tinakbuhan ni Thorn.
Wala ng sinayang na oras si Astraea at buong bilis na tumakbo upang maabutan si Thorn.
Ilang beses pa siyang nabangga ng mga nakakasalubong dahil sa kaniyang pagkataranta at bilis.
Laking pasasalamat ni Astraea nang maaninag ang pamilyar na bulto ng lalaki na nakahinto sa gitna ng madamong lupain ng Il Fascino University. Nakatingala ang lalaki sa langit habang nakatitig ng malungkot sa buwan.
"Thorn!" hinihingal na sigaw ni Astraea.
