TAMIE
Kahit pala nag-stretch kami ay hindi pa rin maiwasan sumakit ang katawan ko. Mas masakit pa ito kaysa sa ginawa na pambubugbog sa akin. Kaya naman ay wala akong ginawa buong maghapon ng araw ng linggo kundi ang humilata sa kama.
Nag-reklamo rin ako kay Kuya Rhann na masakit ang katawan ko. Nag-alala naman siya sa ‘kin pero tinawanan naman niya ako. Kasama raw ang pananakit ng katawan sa training.
Kinabukasan, kahit masakit ang katawan ay pumasok pa rin ako. Ingat na ingat akong kumilos. Ayoko masagi dahil nararamdaman ko ang pananakit ng kasukasuan ko kahit kaunting galaw ko lang.
Pagpasok ko sa classroom ay kaagad na binigay sa akin ni Keffie ang phone niya kaya nagtataka ko siyang sinulyapan.
“Magka-chat kami ni Prince kagabi. Tulungan ko raw s'ya sa ‘yo. Gusto ka n'ya mak
