TAMIE
Pagkatapos ng hapunan ay maaga ako natulog pero nagising din ako ng bandang alas onse ng gabi. Kahit mabigat ang katawan ay bumangon ako dahil nakaramdam ako ng pagka-uhaw. Niyakap ko ang sarili dahil tumatagos ang lamig ng aircon sa mga kasu-kasuan ko sa sobrang lamig. Inayos ko na rin ang kumot sa katawan ni Tristan.
Umalis ako sa kama at lumabas ng silid. Bumaba ako at dumiretso sa kusina para uminom ng tubig. Ramdam ko ang panunuyo ng lalamunan ko kaya marami akong ininom na tubig. Nang makuntento ay pumanhik na ako patungo sa silid. Papasok na sana ako ng naulinigan ko ang boses ni Kuya Rhann mula study room nito. Na-curious ako kaya dahan-dahan akong lumapit. Bahagyang nakaawang ang pintuan kaya malinaw kong naririnig ang mga sinasabi niya.
“Nagawa mo na ba ang pinapagawa
