"Uuwi ka na?" tanong ni Aru. Tipid na tumango si Wommie.
"Sabay na tayo. Hindi ba hinihintay mo naman ako?"
"Hindi ikaw ang hinihintay ko." Sabi ni Wommie, pilit tinatanggi na hinihintay nga niya si Aru.
Tumango si Aru, pinipigilan na maging seryoso kahit na gusto niyang ngumiti. Baka kung ngumiti siya ay mainis lalo si Wommie sa kaniya.
"Akala ko pa naman ako ang hinihintay mo. Umasa ako doon ah."
"Bakit naman kita hihintayin?" nagsisimula ng mainis si Wommie.
"Sabagay, bakit mo naman ako hihintayin?"
Galit na bumaling ulit si Wommie sa kaniya. "Bakit mo 'ko iniinis?"
Itinikom na ni Aru ang labi niya. Nang makita ni Wommie na hindi sumasagot si Aru ay nagalit na naman siya.
"Bakit ka tumahimik? Diyan ka na nga! Kainis!" Umalis si Wommie sa harapan niya.
Si Aru na naiwan ay napa
