Nang araw na iyon ay ang nakatakdang pagpunta nila sa clinic. Kasama ni Cadnys si Glenn na halatang nananabik sa resulta. Kasama rin nila sj Gido at ang dalawang mag-asawang Guererro.
Iisang sasakyan lang ang sinakyan nila kaya kahit medyo puno, ay masaya nilang pinag-usapan ang kalagayan ni Cadnys. Naka-kandong si Gido sa matandang ginoo. Halatang gustong makipagkwentuhan ito sa kanila.
"Lolo, Lola, kailan po ba lalabas si baby sa tiyan ni mama?"
"Naku, apo, hindi pa nabubuo ang baby sa ngayon," paliwanag ni ginang Katie.
"Bakit po ba ang baby nasa tiyan? Hindi po bang sa pwet nalang po sana para madaling iiri?"
"Naku, 'kaw na bata ka kung anu-ano ang naiisip mo, hindi naman tae 'yang bata, apo, ikaw nga nasa tiyan ka dati ng mama mo."
"Lolo, Lola, si papa Glenn po ba galing din
