Leydell
NAROON lang si Cameron sa sasakyan. Nagkasundo kami ni Zenon na kung sakaling magbaba ng utos ang korte, ibibigay namin kaagad siya kay Lizel. Hindi lang siya ang magbabantay sa akin, kung hindi nariyan din si Carlos dahil pangalan niya ang malalagay sa alanganin.
Hindi nila alam na kahit nasasaktan ako, hindi pa ako nababaliw para itakas si Cameron.
“Nasa’n ang anak ko, Leydell?” tanong agad ni Lizel sa akin matapos naming lumabas.
“Please, huwag kang gumawa ng gulo. Ibibigay namin si Cameron ngayon. Kasama namin siya,” ani Zenon na nakaakbay sa akin.
Wala akong emosyon sa kasalukuyan. Sinisisi ko ang sarili ko. Kita ko sa mata ng husgado kanina na kukunin sa akin si Cameron kahit ano pa ang maging katwiran ko. Asawa siya ni Jenna, at malamang ay nabalitaan niya ang naga
