Pagbaba pa lang niya sa mamahaling sasakyang sumundo sa kanya sinalubong ng isang babae na marahil kasambahay ni Mayor Alcantara.
"Tayo na po sa loob Ma'am naghihintay na po sa inyo si Sir," saad ng babae sa kanya.
Humugot siya ng malalim na paghinga. Hindi siya dapat magpakita ng galit o kahit na inis sa mga tauhan ni Harold. Ginagawa lang naman ng mga ito ang iniuutos sa mga ito.
"Nasa may gazebo po si Sir, doon po niya kayo hinihintay," saad ng babae sa kanya nang makapasok na sila sa loob ng bahay at ngayon naman ay palabas na naman sila sa may likuran kung saan ang pool area, kung saad din siya unang hinalikan ni Harold.
"Sige na po ako na ang bahala," she said nang makita si Harold sa may gazebo na nakaupo at tila may kausap sa cellphone.
"Sige po Ma'am," saad naman nito at iniw
