Pamela
Maingay ang mga anak ni Donna habang pababa sa matarik namin hagdan. Nagtatalo ang tatlong mag-iina. Kami ni Tatay nasa dining table parehong nakaupo. Panay reklamo ng dalawa at hindi pa nakatiis lumapit sa Tatay Anthony ang panganay na si Rosie.
“Tito Anthony, parang awa mo na ayaw kong matulog sa pangit na bahay. Please Tito, gusto po namin dito,” aniya nakikiusap sa Tatay.
Inantay pa ni Donna hindi man lang niyaya ang anak na umalis na sila. Akala yata papayag ang Tatay, kahit gamitin nito ang dalawang anak na kumbinsihin ang Tatay Anthony hindi na ito maniniwala pa.
“Tito please po…wala kaming pupuntahan,” ani ulit ni Rosie.
Lumabas si Prince galing sa kusina nagtataka.
“Bakit ‘tay?” aniya nagsalubong ang kilay isa-isa kaming tiningnan.
“Aalis na sila dito, anak. Hindi n
