Chapter 76
SAMARA
INIKOT ko ang mata ko sa buong bahay at pagod na naupo. Pang ilang beses ko na itong ayos ngayong linggon ito pero talagang naiiinip ako. Kahit anong gawin ko ay hindi nito maalis ang pag-iisip ko at ang kagustuhang lumabas kahit saglit lang.
Ilang buwan na mula ng magising ako at mula noong isang beses na lumabas kami ni Marcon ay hindi na ako nakalabas pang muli. Ang rason niya ay busy siya o marami siyang ginagawa. Walang telebisyon dito o kahit radyo man lang. Isang dalawang palapag na bahay pero wala akong kahit anong magawa bukod sa maglinis at ayusin ng paulit-ulit ang mga gamit dito. Marami na nga akong napa tubong halaman sa likod bahay para lang may pagkaabalahan ako. Mabuti na lang at may mababait kaming kapitbahay na minsan ay kinakausap ako lalo na kapag
