“Ate Katy, Kuya John since naman may kontrata na kayo ginawa pwede rin ba akong magsabi ng ilang gusto ko sa kasunduan na ito? Iyang gawa ninyo po ay alam kong legal agreement pero okay lang ba kung meron din akong mga nais idagdag? Konti lang naman pero sana ay matupad. Sinulat ko kagabi sa cellphone para po sana ipakita sa inyo ngayon. Naisip ko rin po kasi na habang maaga ay dapat malinaw ang lahat para naman hindi na magkaroon ng issue kung sakali,” ani Linda. Nagulat naman ang lahat pero hinayaan ito. Inabot ni John ang cellphone ng babae at binasa ang nakasulat saka pinasa sa asawang si Katy. Tumabi naman si Dra. Huang upang makibasa at maski ito ay napalaki ang mga mata ng makita ang nilalaman.
Ako po si Linda Sandoval, pumapayag na maging Surrogate mother nila Katy at John Martin
