Dahil hindi na makakatulong sa mga gawaing bahay si Linda ay pinasya ni Katy na kumuha ng isang kasambahan na pwedeng maghapon mag stay kasama nila pero uuwi rin sa gabi. Meron naman sila katulong na naglalaba, nagpaplantsa ng mga damit pero iba pa rin ang may mauutusan na maglinis o tatakbo kung may dapat bilhin.
Isa sa mga staff nila sa grocery ang nag volunteer. Si Miele. Halos kasing edad ito ni Katy. Dalaga pa ito at parang wala nang balak mag-asawa. Ulila na rin ito kaya buhay na lang nito ang iniintindi. Malapit din ito sa mag-asawa dahil isa ito sa una nilang naging tauhan kaya naman hindi sila naglihim at inamin ang plano para magkaroon ng anak.
“Ibig ninyo po sabihin ay may babaeng narito ngayon?” tanong ni Miele habang nagluluto sila ni Katy sa kusina.
“Oo, siya yung surrogat
