Chapter 12: Work
Xyreb's POV
PAGKAUWI ko sa bahay ay agad naman akong nagbihis para sa shift ko sa coffee shop ni Uncle Ben dahil kailangan kong mag-duty kasi day off ko bukas. Ayaw ko rin na walang gagawin kasi kung anu-ano lang ang naiisip ko. Naabutan ko naman sina Mama na nag-eempake dahil aalis na sila ng kapatid ko para makapunta kina Lola.
"Anak, mag-iiwan ako r'yan ng pera at kapag may emergency ay tawagan mo rin agad ako o hindi kaya'y pumunta ka kina Tita mo," bilin ni Mama na ikinatango ko at saka siya niyakap. Hindi siya sanay na iwan akong mag-isa kaso nagkasakit si Lola kaya naman wala siyang choice kundi pumunta ro'n.
"Ma, huwag niyo na po 'kong masyadong isipin basta’t mag-iingat po kayo ni Xyrus do'n."
Napabuntonghininga naman siya. "Malaki na talaga ang baby ko. Hi
