Lumipas ang ilang araw at mas lalong sumiklab ang inis ko kay Francisco. Nasobrahan na ata talaga ang lalaking 'yon. Mantakin mong araw-araw itong nagpapadala ng bulaklak sa akin. Nagmumukhang flower shop ang bahay na siyang ikinatutuwa naman ni Senyora Esmeralda. At ngayon nga'y nalaman ko ang pagdalaw nito sa akin kaya halos hindi magkandaugaga sa pag-aayos ang buong kasama namin sa bahay dahil lang sa paghahanda nila sa pagdating nito.
"Hija, bakit hindi ka pa naghahanda?" tanong ni Senyora Esmeralda nang makita nitong nakahilata pa rin ako sa kama ko.
"Masama po ang pakiramdam ko," Pagsisinungaling ko.
Umupo si Senyora Esmeralda sa may paanan ng aking kama kung kaya't napabangon ako mula sa pagkakahiga ko at napasandal sa headboard nito.
"Kailangan mong mag-ayos, hija. Dadalaw
