Naka-plano na ang lahat na siyang gagawin ko ngayong araw. Isasantabi ko muna ang malaking hinala ko sa basement dito sa bahay at kung bakit ipinagbabawal ni Senyor Fabian ang kahit sino ang pumasok doon. Isama mo pa ang malaking hinala ko sa ina nila Crisanto at Moning. Kung minsan ay pinagmamasdan ko ang mayordoma namin at pasimple akong nagtatanong kay Moning kung anong klaseng magulang si Aling Tinay. Nang minsan nga ay nahuli ako nitong tinitingnan siya. Agad akong nagbawi ng tingin nang tumitig din ang matanda sa akin. Hindi ko rin tinantanan ni Moning sa mga pasimple kong tanong patungkol sa mga magulang niya. Nalaman ko na patay na pala ang ama nilang dalawa ni Francisco kaya ang naiwan ang ina nitong si Aling Tinay na siyang kasambahay na namin noong bagong kasal palang sina Senyo
