09: Maliit na Ngiti
BETTY
Bumalik na ulit ang sigla ni Milley. Para bang hindi nga ito galing sa sakit. Kasalukuyan nga siyang nasa study room ngayon. Si Sir kasi walang pinapalampas na oras, nakita niya lang na okay na si Milley, pinatawag ba naman ang guro niya. Ibang klase talaga, muntikan ko nga siyang nasagot na naman kanina.
"Auntie, hindi kaya mabinat naman si Milley? Kagagaling lang sa sakit no'ng bata tapos yung walang konsiderasyon niyang ama, ganito pa ang ginawa."
Hindi ko talaga maiwasang mairita. Kahit kasi pinipilit kong intindihin ang ugali ni Sir, hindi ko keri. Gwapo sana kaya lang pangit talaga ang ugali — sobra!
"Alam niyang kaya na ni Milley, Betty. Huwag kang mag-alala."
At ito namang si Auntie, hindi ko alam kung kinukunsinti ang alaga eh — lagi kasi siyang pab
