HALOS UMALINGAWNGAW SA bawat sulok ng kuwarto ni Lyra ang tunog ng kanyang alarm clock pero hindi pa rin niya magawang bumungon sa kanyang higaan. Nakuha pa nga niyang kunin ang isang unan niya. At hindi niya maiwasan ang mapangiti dahil parang naamoy pa niya si Agustin kaya mahigpit niya itong niyakap. At hindi pa rin mawala ang kanyang kilig sa tuwing naiisip niya ang guwapong mukha ng lalaki.
"Grabe, hindi ko akalain na mas lumalala siya ngayon kesa sa dati."
Napadilat na si Lyra nang marinig niya ang boses ng isa sa mga kapatid niya. Napabangon siyang bigla. Doon niya napagtanto na pinalilibutan na pala siya ng pitong kapatid niya. Mga seryoso ang mukha ng mga ito habang mga nakakrus pa ang mga braso.
"Wala ba kayong mission ngayon?" nayayamot na napakamot ng ulo si Lyra.
"Hala siy
