KINABUKASAN, TULAD NG inaasahan ni Ella ay muli siyang pinatawag ni Jinuel. Nagkita na lang silang muli ni Mimi sa tapat ng bahay, "Magaling ka na?" tanong niya rito.
"Okay na pakiramdam ko, pero may ubo pa rin," nakangiting tugon naman ni Mimi.
"Kapag pumalpak ako rito, ako na lang ang sasalo ng parusa para sa'yo," nakangiting sabi ni Ella.
"Malakas ang pakiramdam kong magagawa mo na ng tama ang lahat," ngumiti na rin si Mimi saka nauna na itong pumasok sa loob.
Nagtatakang sumunod naman si Ella. Habang kapwa na sila naglalakad sa pasilyo ay nasalubong nila si Yuki. Kapwa sila huminto ni Mimi para bigyan muna ito ng daan.
"Galingan mo," biglang sabi ni Yuki nang lumagpas na ito.
Napangiti si Ella, "Copy, Boss!"
Gumanti rin ng ngiti ang binata pero tuluyan na itong naglakad pa
