Nang malingat si Aki ay hindi siya makagalaw dahil sa bigat na dumadagan sa kanya. Iminulat niya ang mga mata at nakita niya kung ano ang dahilan.
Ang mga braso at hita ni Zed ay nakayakap sa kanya, tila ayaw siya nitong pakawalan.
Pinilit niyang kumilos nang marahan para makawala sa binata at makatayo na. Medyo magaan ang pakiramdam niya ngayon kumpara kahapon, tulog lang ata ang kulang sa kanya.
"I love you Zed...." Pati siya nagulat sa ibinulong niya sa punong-tenga ni Zed. Napalayo tuloy siyang bigla dito at nakagat ang ibabang labi.
Buti na lang tulog ang binata kung hindi nakakahiya, siya pa talaga ang unang umamin ha.
Umalis na siya sa kama at nagtungo sa banyo para mag ayos ng sarili, gusto niyang maipagluto si Zed at ang kanilang bisita. Ang alam niya walang pasok ngayon si Z
