نور الزين

الفصل الخامس

من الممكن ان تكون الفرصه الاولي الاخيره في الحياة والحب

فبعض الفرص لا تأتي مرتين ويصبـح الانسان اكثر غباءا اذا لم يستطيع استغلالها وبالتأكيد فرص الحب هي الاصعب على الاطلاق

لم يصدق فارس ما تسمعه اذنيه وتساؤل عن هذا الموضوع الشخصي الذي تريده به ولم يفيق الا على صوتها الهادئ وهي تقول:

_اتكلم ولا ايه

انتبه قائلا بسرعه:

_اه طبعا اتفضلى انا سامعك

تحدثت صاحبة العيون الواسعه قائله بشك:

_هو حضرتك كنت عارف ان اخو حضرتك بيحب حياة

تساؤل قائلا:

_اخويا انا؟

قصدك زياد صح

اومأت قائله:

_اه هو انا لسه عارفه انهارده وكمان عرفت انه هو عايز يجي يكلم نور

تحدث فارس بتذكر قائلا:

_اه هو كان قالي من فتره انه عايز يجي يتقدملها بس انا كان رأيي. انه يشتغل الاول وبصراحه هو مقصرش ولقيته تاتي يوم نزل اشتغل مع زين وبقاله حوالي سنه شغال معاه حتي في ايام الكليه بيتزل يشتغل ومتفتكريش اني بقول كده علشان هو اهويا بس فعلا زياد بيعمل كل جهده علشان يجي يتقدملها

هزت ماسه رأسها بأقتناع وهي تقول:

_عموما انا هكلم نور واقولها واكيد الرأي الاول والاخير ليها هي

كادت ان تقف وتذهب ولكنه امسك يدها وهو يقول:

_طب واحنا يا ماسه ايه اخرته اللي احنا فيه ده

سحبت يدها بخجل من تحت يده قائله بتوتر:

_ايه اللى احنا فيه

اجاب ببعض الحده:

_انتي عارفه في ايه يا ماسه وياريت متستهبليش عليا

انا بقالي سنتين بحاول اقرب منك وانتي، مش، مدياني اي اهتمام ولما حاولت انه يكون فيه حاجه رسمي بينا دايما بتتهربي

ردت عليه قائله:

_انت عارف رأيي فبلاش لو سمحت تضغط عليا

عقب قائلا بغضب:

_طب ليه انتي شايفاني مش مناسب ولا في حد تاني في حياتك

تحدثت قائله بسرعه:

_لا والله مفيش حد في حياتي

مش فكرة انك مش، مناسب انا بس مش بفكر في الموضوع ده دلوقتي انا لسه قدامي ماجستير ومش عايزه حاجه تشغلني عنه وكمان كنت بفكر اسيب الشغل علشان افضاله

_طب ايه رأيك على ما تخلصي الماجستير بتاعك نعمل خطوبه وانا اكيد مش هشغلك عن مستقبلك بل بالعكس انا هساعدك فيه

والله هي فرصه واحده يا ماسه وانا لو حسيت انك مش مرتاحه والله العظيم انا اللي نقولك اننا مش هينفع نكمل

ردت بخجل وتوتر:

_بس انت متعرفش حاجه عني

اجاب بهدوء:

_لما تكوني قادره وعايزه انك تحكيلي اتا هكون موجود

عقبت بنفس نبرتها:

_طب ممكن تديني فرصه افكر

نهضت من مكانها مسرعه متجهه نحو الباب وما أن خرجت حتي تنفست الصعداء وسمعت رنين فنظرت اليه لتجد ان المتصل "رحيم" اجابت على الفور قائله بمرح:

_ايه يا عم كل ديه غيبه مش بيسأل منكم لا انت ولا باباك

اتاها صوت رحيم الجاد وهو يقول:

_ماسه انتي فين

ردت بتعجب:

_انا في المستشفى ليه

_تمام نص ساعه وهكون عندك.....سلام

اغلقت الهاتف ونظرت اليه بتعجب فهذا بالتأكيد ليس رحيم ابدا وشكت ان هناك خطب ما ولابد من اكتشافه

اما امام احدى القرى السياحيه كانت حياة متحمسه للغايه وتنظر حولها بأنبهار وعدم تصديق فأخيرا الاميره التي حبست بالقلعه خمس سنوات خرجت منها وبالماد اخذت حريتها

فتحدثت قائله بعدم تصديق:

_يخربيتك يا نور كل ده بتاعنا وانتي حبساني هناك

ضحكت نور وقالت:

'هنتك امان اكتر يا حبيبتي وبعدين مسمهاش حبساكي اسمها خايفه عليكي وشايفه انك لسه صغيره علشان تخرجي من البيت

ووقفت السياره امام احدى البوابات والتفت حسان السائق الى نور قائلا:

_هندخل من هنا ولا من البوابه التانيه

نظرت نور بضت ثواني الى البوابه قبل ان تقول:

_تمام هنقف هنا

نزلت نور من السياره وتبعتها خياة ومز ملفهم حرس نور الكثيرون

قالت حياة بإستياء لنور:

_ليه يا نور كل ده الناس بتتفرج علينا بسبب اللي ماشيين ورانا دول

ردت نور بغرور لا يليق ألا بها:

_على فكره هما مش بيبصو علينا عششان اللى ورانا وده الطبيعي ولازم تتعودى على كده كانو قد وصلو الى الاستقبال واستقبلتهن الموظفه بترحيب كبير و وجهتهم نحو جناهن

دخلت حياة الى الجناح ومازالت نظرة الانبهار بعيناها ولم تفيق الا على صوت نور وهي تقول:

_حياة انا هدخل اغير هتيجي واحده دلوقتي ترتب الشنط واحتمال الفساتيت تيجي شويه كده ابقي استلميها وكلمى ماسه قوليلها تركب كفايه كده

وفي الوقت ذاته كانت سيارة زين و شقيقه قد وصلت و ترجل منها بهيبه تخطف الانفاس و نزل خلفه زياد وكان يرتدي بنطلون من اللون الاسود ومن اعلاه تيشرت من اللون الابيض وجاكت زيتي وكان له شكل صبياتي رائع

فتحدث بمرحه المعتاد قائلا لاخيه الكبير بعدما رأي اسطول السيارات:

'اووه شكل نور هانم وصلت بدري بالرغم اتك كان المفروض توصل الاول

زجره زين بحده قائلا:

_وهو مين اللى اخرنا يا حيوان

غير نبرة صوته ليقول وهو يقلد صوت زياد:

_وحيات امك ارجع نسيت الشاحن

توجهو الى الاستقبال وانتهو من اعداد بيناتهم وصعدو الى جناحهم الذي كان مقابلا لجناح نور وشقيقتها

وفي جناح نور كانت المرأه تقوم بوضع الملابس بالخزانه الكبيره اما نور فطانت تسترخى من عناء السفر بالجاكوزي وحياة اكتفت بتبديل ملابسها وجلست تهاتف ماسه واخيرا ردت عليها ماسه لتبدأ حياة الكلام وهي تقول:

_ركبتي ولا لسه

اجابتها ماسه:

_لسه يا حبيبتي قدامي عمليه تلات ساعات كده ولا حاجه وهركب على طول وبعدين حاجاتي جاهزه متقلقيش مش هتأخر

ردت عليها حياة وهي تقول بخفوت:

_كلمتي ابيه رحيم ولا لسه

_لسه كنت هكلمه بس انتي اتصلتي.....في حاجه تانيه عايزاني اقولهالو

ردت عليها حياة بسرعه:

_لا هو ده بس

اغلقت المكالمه مع ماسه وارسلت رساله الى زياد وكان مضمونها "وصلت ولا لسه"

اجابها زياد برساله اخرى سريعا"اه وصلنا....انتي فين"

ردت عليه"هكون فين يعني....قاعده في الجناح "

فاجأها برده حيث كتب لها"حياة...تعرفي تخرجيلي"

كتبت له بخيية امل"لا للأسف مش هعرف "

"خمس دقايق بس يا حياة وبعدين انا سألت وعرفت ان جناحكم جمب الجناح بتاعنا يعني مش هتتأخري"

نهضت من مكانها واتجهت الى المرآه ونظرت الى وجهها برضا بعدما عدلت من وضعية خصلاتها الكستنائيه

وخرجت من الجناح وبالفعل وجدته واقف امام باب جناحه اتجهت اليه وعلى وجهها ابتسامه مشرقه وهي تتذكر لقاءهم الذي كان لعدة دقائق منذ بضعة اشهر

امسك يدها وقبلها وهز يقول بعشق يفيض من عيناه:

_وحشتيني اوي

اغتصبت الابستامه الخجوله وجهها وقالت صاحبة العيون الزيتونيه بصوت منخفض:

_وانت كمان.....انت متعرفش انا فرحانه اد ايه اني شوفتك وكمان مبسوطه اوي اني خرجت

رد بنبره مليئه بالحب:

_عارف انك فرحانه وحاسس بحماسك اللي انتي مش عارفه تعبري عنه ده

عقبت بأستنكار:

_يا سلام وانت عارف منين بقى عايش جوايا وانا معرفش

اجابها بمكر صبياني وابتسامه خبيثه مرتسمه على شفتيه:

_انتي بالنسبه للعالم كله لغز صعب لكن بالنسبه لي كتاب مفتوح

وفي جراج المستشفى الذي تعمل بها ماسه كان رحيم ينظر بضجر الى ساعته فهى قد تأخرت كثيرا

دخلت اليه تخيرا وهي تقول بأنفاس لاهثه:

_اسفه يا رحيم أخرتك

رد عليها رحيم بجديه:

_عادي.. المهم انتي وراكي شغل تاني

اجابته قائله:

_لا كان عندي عمليه واتأجلت بس هسافر عشان الحفله بتاعت نور

ضرب رأسه قائلا بتذكر:

_يالهوي ازاي نسيت اكيد زعلت

_عادي ممكن تحضر حاجتك ونمشي مع بعض

هز رأسه برفض قائلا:

_عندي شغل في اسكندريه خلينا في الموضوع اللي انا جايبك عشانه

كانو قد وصلو الى احدى الكافيهات وجلست ماسه ثم جلس امامها رحيم واخرج صوره من هاتفه وهو يقول:

_انتي عارفه مين ده

هز كتفيها وقالت بجهل:

_لا وانا هعرف منين

سألها مره اخرى قائلا:

_يعني عمرك.ما شوفتيه ولا بتشبهي عليه

سألته هي وهي تقول بحده طفيفه:

_في ايه يا رحيم ما تقولي مين ده

_ده اخو نور وحياة

_____________________________

Selamlar /Mallak Mahmoud

رأيكم؟؟!

توقعاتكم؟؟!

تفتكرو ماسه هتكون ردة فعلها ايه لما تعرف ان نور عندها اخ؟؟!

ونور وحياة هيكون ردة فعلهم ايه لما يعرفوا ان عندهما اخ؟؟!

رحيم عرفه منين؟؟!

إنشاء الله البارت يوم التلات

_____________________________

اتفاقيه من لا يملك لمن لا يستحق..

#GazaUnderAttack