نور الزين

الفصل الثالث

حين يتحمل الإنسان مسؤوليه فوق طاقته يمكن أن يصبح إنسان مظلم قاسي وملئ بالغموض ولكن يظل محتفظ بالجانب المنير الذي به ويظل منتظر الشخص المناسب كي يريه الجانب المنير الذي أحتفظ به لأجله

بعد مرور خمس سنوات

في تمام الساعه السادسه صباحا أستيقظت نور الذي أصبحت إنسانه جديده تماما تناست نور المعتمده تلى والدها وأصبجت أصغر سيدة أعمال بالشرق الأوسط وفي غضون خمس سنوات تحولت شركة والدها الى مجموعة شركات عالميه

كما أن هناك الكثير من الاسرار الذي لا تعلمها عن حياتها مثل قاتل والديها الذي أستمرت مكالماته وتهديداته لها والذي دفعها ذلك الى أتخاذ اصعب قرار بحياتها وهو الا تخرج شقيقتها من البيت وأيضا لا تدخل أحد الى بيتها إلا عندما تعلم كل شئ عنه وأيضا لا تعلم من هو شقيقها الذي يحدثها عنه والدها في أحلامها كما أنها لا تعلم أنها متزوجه بالأصل

أرتدت ملابسها المكونه من تيشرت رياضي فضفاض باللون الأسود وبنطلون من نفس اللون وأتجهت نحو غرفة شقيقتها كي تيوقظها ولكنها كالعاده لك تجدها فنادو بصوت عال قائله:

_زهييره

أتت خادمتها تهرول نحوها وسألتها نور:

_حياة فين يا زهيره

أجابتها الخادمه بأحترام:

_نزلت الأسطبل من حوالى ساعه

ظفرت نور بضيق من هذه العنيده التي يستسقظ جيرانهم كل يوم بسبب صهيل الخيول الخاصه بها

اما في الاسفل ب اسطبل الخيول كانت تمطي جوادها والهواء يتلاعب بخصلاتها الكستنائيه بالأضافه الى ملابسها التى باتت بها ك فارسه فقد كانت ترتدي بنطلون من الجلد الاسود وعليه ستره جلديه من نفس اللون

نزلت نور اليها وفتحت باب الاسطبل ف أوقفت حياة جوادها ونزلت منه واعطته لحارسه كي يدخله الى مكانه

ركضت نحو شقيقتها وهي تعلم انها سوف توبخ على فعلتها هذه وبالفعل

تحدثت نور بتوبيخ قائله:

_الغباء بيجري في دمك فعلا افرضي كنتي وقعتي من على الحصان.كان هيجرالك ايه ساعتها أقلها كان هيكسر رقبتك

ردت عليها حياة بملل:

_يا نور يا حبيبتي انا اهو قدامك كويسه وبعدين ايه اللى هيخليني اقع من على الخيل

اجابتها نور:

_يمكن مثلا عشان مفطرتيش ولا انا غلطانه

قبلت حياة وجنتها وقالت:

_انتى صح يلا بقى نطلع من هنا وانا ثواني هكون جاهزه ونسافر تحدثت نور وهن يمشون نحو منزلهم:

_حياة انتي اول مره تخرجي من البيت ولو سمعتي كلامي علطول هاخدك معايا في الحفلات انتى تارفه ان لولا ماسه مكنتش هخرجك ابدا هنخرج من باب الفيلا على العربيه والعربيه هتنزلنا في القريه حتى مش هنقف في الريست تمام يا حياة واه صح خدي فستانك من هنا

تحدثت حياة بحماس:

_والله مش هتحرك من جمبك خاالص.... هو على ما نرجع هيكون ماما وبابا بعتو الجواب صح؟؟!

تنهدت نور قائله بحزن برعت في اخفائه طوال سنين:

_إنشاء الله يا حبيبتي يلا اطلعى حضري شنطتك

دخلت حياة ونور الى المنزل وصعدت حياة كى تقوم بتبديل ثيابها أما نور فصعدت الى الچيم الموجود بالطابق الثالث من منزلهم

دخلت نور الى عرفة الرياضه ووجدت هذه الذي كانت ترتدي صدريه رياضيه وبنطلون يلتصق بها وكأنه حلد ثان لها وكانتوتلهث بشده وهي تقوم بلكم كيس الملاكمه الذي أمامها فأوقفتها نور وأعطتها زجاجة ماء وتحدثت قائله بمرح:

_خلاص يا ستي طلعلك عضلات عايزه ايه تاني

اجابتها ماسه:

_يا حبي انا مش بلعب عشان عضلات او كده بس بيكون جوايا طاقه عايزه أخرجها وخلاص هو ده الموضوع فهمتى

ردت عليها نور وهي تقول بسخريه:

_طب يلا يا أم طاقه عشان الفطار

اوقفتها ماسه وهي تقول بحماس:

_ هو انت بجد هتاخدي حياة معاكي

اومأت لها نور لتقول ماسه بترقب:

_يعني خلاص الحصار اتفك؟

اجابتها نور بسخريه:

_لا يختي متفكش

قاطعتها بجديه:

_يا نور اتكلمي بجد.بقا خلاص الحصار اتفك وحياة هتخؤج وتعيش حياتها زي اللى في سنها

عقبت نور بحده:

_يعني هي مش عايشه يا ماسه م هى زي كل اللى في سنها عندها تليفونها واللاب بتاعها ولبسها بيجيلها من أغلى الماركات

اوقفتها ماسه:

_خلاص يا حبي يلا ننزل

نزلو الى الاسفل ووجدو حياة تجلس على السفره وتتناول فطورها المفضل والصحي

جلست ماسه جوارها وهي تلقى التحيه الصباحيه وترأست نور الطاوله وتحدثن حياة وماسه في عدة مواضيع ولكنوافتتحت نور هذا الموضوع الذي يعكر صفو ماسه كثيرا

حيث قالت:

_دكتور فارس كلمني تاني

عقبت حياة بمزاح:

_تاني ايه قولي عاشر يا بنتي الرجل هيزهق منك ارجمي امه مش كده

زفرت ماسه ماسه بضيق قائله:

_وانتي قولتيله ايه يا نور

اجابتها نور بملل:

_كالعاده هاخد رأيك وأشوف

تحدثت حياة بهمس ل ماسه:

_أبوس ايد امك واففي انتي مش عارفه بموافقتك.ديه هتعملي ايه

همست لها ماسه ايضا:

_هعمل ايه يعني

أجابتها قائله:

_هتقربي المسافات وتوقفي راسين في الحلال وتزودي اعداد السكان

نظرت لها ماسه بشك قائله:

_ مسافات ايه وسكان ايه

قالت حياة بتوتر:

_قصدي يعني ان انتى والدكتور هتكونو قريبين من بعض وتخلفو ولاد وبنات صغننين يقوليلي يا خالتو بقى وكده

نظرت لها ماسه وقالت بعدم اقتناع:

_امممممم بقى كده

ردت عليها حياة:

_بصي هو مش كده خاالص بس لما يجي الوقت المناسب هقولك

تحدثت نور بحده قائله:

_ممكن نبطل ودوده وناكل بهدوء

على اجانب الآخر كان نائما بعمق بعد يوم شاق قضاه بالعمل ولكن دخل هذا الى الغرفه ووضع شئ مت بجوار فراشه واندفع الى الخارج مسرعا ونزل الى الاسفل ولكن اصطدم بشقيقه

فأمسك به فارس من مؤخرة تيشرته وقال بحده:

_انت عملت ايه ياض

اجابه زياد بتوتر بالغ:

_هتسمع دلوقتي

وبالغعل ماهي إلا ثواني حتى انطلق صوت صاروخ ومن بعده صوت زين الغاضب وما أن استمع زياد الى هذا الصوت حتى اندفع راكضا يختبئ في أحدى الاماكن ولم تكن إلا "المطبخ"

نزل زين غاضبا من هذا اللعين ااذي ايقظه من حلم كان يتمني ان يصبح حقيقه ليهدر غاضبا:

_هو فين الحيوان ده

اوقفه فارس قائلا بتوتر:

_يا زين هو بس صحاك عشان كنتم متأخرين على السفر

ابعده زين واتجه نحو المطبخ ووجد.زياد يقف امام باب الثلاجه وبيده قطعه كبيره من الخبز ويتناولها بلامبلاه وكأنه لم يفعل شئ

تحدث زين بحده:

_يا كلب انت فولتلك مليون مره لما تعوز تطفح.اطفح وانت قاعد

اومأ زياد بعدم اكتراث واكمل طعامه

تحدث زين مره اخرى قائلا:

_بما انك صحيتني يبقى اطلع البس بقا على ما اخلى حد.يحضر الفطار

عقب زياد قائلا بمرحه المعتاد:

_وحد يحضره ليه يا سي السيد انا موجود وهحضره

نظر له زين بحده ليفر زياد.هاربا الى غرفته

ودخل فارس اليه المطبخ ووجده يقوم بتحضير الفطور فأوقفه فارس قائلا:

_سيب سيب وخلى ام ايمن تحضره

رفض زين قائلا:

_لا هحضره انا وبعدين ام ايمن لسه في أجازه

تساؤل فارس قائلا:

_عمرك م اتعصبت ان زياد صحاك من النوم اشمعني المره ديه

لم يجيبه زين فتنهد فارس بحزن على شقيقه وقال:

_كنت بتحلم بيها صح

التفتت اليه زين قائلا بعشق:

_بحبها اوي يا فارس ومش عارف اروح اقولها ايه ولا اقولها ازاي

ازاي يعني هقولها ان انا جوزها بتوكيل هي كانت عاملاه لأبوها

اجابه فارس قائلا:

_يا عم قولتلك مليون مره اظهر في حياتها واعمل انك بتحبعا وانت كده كده مش هتحتاج تمثل وهي كيد هتحبك واكتبو الكتاب تاني واتجوزو وارحموني

نظر له زين بعدم اقتناع وقال:

_لا استحاله ادخل حياتها بكدبه...... سيبك مني وقولي ردت ولا لسه

تنهد فارس بحون وقال بنفاذ صبر وغضب:

_لا لسه مردتش وانا اساسا مش عارف عقدتها ديه مني ولا من الرجاله كلها ولا هي مجنونه ولا اي بالظبط

اما بالأعلى كان زياد يقوم بأنتقاء ملابسه الذي سيحضر بها الحفل وكان على اذنه هاتفه وكان يتحدث مع حبيبته الذي مهما مضى عليهم ايام واسابيع وشهور وسنين ستصبح هي حبيبته الاولى والاخيره وابنته ومدللته وشقيقته ووالدته وكل شئ بحياته

كان يقول زياد بعدم تصديق:

_يعني بجد نور هتاخدك معاها

جاءه الرد من الجانب الآخر حيث كانت حياة ايضا تقوم بتحضير حقيبتها وقالت بحماس:

_انا لحد دلوقتي مش مصدقه اني هطلع خطوه واحده بره الجنينه حتى ولو بالعربيه بس مش مهم المهم عني اني هطلع لأ ومش بس كده كمان هحضر حفله وانت هتكون موجود فيها أوف يا زياد اخيرا الحلم بيتحقق ونتكلم كده وش ل وش احسن من كلام الڤرندا

رد عليها زياد قائلا بتهكم:

_ده على اساس ان احنا عمرنا م اتقابلنا وش ل وش يا بنتي ده انتو الجارده بتاعكو زهقو مني مره بتاع بيتزا ومره محصل كهربا او مره مندوب ل حاجات طالبينها اون لاين ملقتش شغلانه تانيه اشتغلها عشانك

ضحكت وقالت بعشق:

_بس لا المره ديه مختلفه علشان خلاص قررت اقولهم وانت تيجي تتقدملي ومش هتشتغل بتاع بيتزا تاني

قال زياد بعدم تصديق:

اخيرا سمعتي الكلام

تذمرت قائله:

_ ال يعني نور كانت هتسمعني انا اساسا هروح اخلى ماسه تقولها

كان قد فتح باب الغرفه وقيل:

_انا جيتلك بنفسي اهو وهسمعك

_______________________________

Selamlar /Mallak Mahmoud

توقعاتكم؟!

رأيكم؟!

تفتكرو ممكن زين يدخل حياة نور بكدبه؟!

ماسه هتوافق على فارس او لا ؟!

مين اللى فتح باب الاوضه؟!

ممكن اللى فتح باب الاوضه يمنع زياد وحياة انهم يتكلمو او لا؟!