بارت 15

1419 Words

**ر القيود «عيون الملاك» ★★★قراءة ممتعه ★★★ شيصير لو گلبك يحن ولگلبي ترحم حاله شيصير لو بيدك تمس نبضه وتشوف شماله ياناس هم شفتوا قبل بالحب مثل هل الحاله المذبوح يرضه بالكتل ويتوسل بكتاله ★★★★★★★ رنا : منسه اني واكعه بمصيبه ومحد يكدر يساعدني غيرج اني رااااااح اموت. راح اكتل روووحي منسه: انصدمت حيل بحجيها وحسيت گلبي كام يرجف من الخوف لان عرفت اكو بلوة وطركاعه راح توكع عله راسي منسه: هسه دحجي شكو رنا بصوت كله بجي ونص الججي ماينفهم من الشهكه : منسه بلااال جااااي ييي ييييهدددني بصوري. يررريد يييففضحني منسه : شنووو ،، صوريش وشنو تهديد كافي بجي واحجي عدل حته افتهم رنا مسحت دموعها بقوة وحاولت تخلي صوتها وتوخر الشهكه : منسه بلال جاي يهددني بصوري يريد يفضحني افتهمتييي منسه: وشجاب صورج يمه يلمعزايه رنا ببجي قوي ونحيب : اني الثوله ا****رة دزيتهن. والله حلفلي كال هذا الاسبوع اجي اخطبج وميت عله شوفتج دزيلي صورة الج بلبدايه ماقبلت. صار عصبي ويكلي انتي ماتثقين بيه وزعل يومين واني مااكدر عله فراگه وزعله يومين لا اكل ولا انام بس افكر بي وبجي تاليتها كلت هو هذا الاسبوع يخطبني خل ادزله صورة ودزيتلللله وعساها ايدي ت**رت وعساني ميته قبل ماادزله منسه : شووفي اذا صورة عاديه وبحجاب گولي لاهلج رامي ضاع. اوو. اعترفيلهم بكلشي رنا بنحيب اكثر وبجي قوي : مااكدرر. الصور بدون حجاب. وتدرين اخويه اذا درة يذ*حني والله يذ*حني. وطكت بجي اكثر منسه : وانتي حمارة ليش دزيله صورج بدون حجاب رنا : والله دزيتلهيا بحجاب. كام يحجي وكال اريد اشوف شعرج. صارلي ايام اتحلم بي. وبقه شكد يحجي وخفت لايزعل ودزيتله بدون حجاب منسه : وزعله الجلاب السود. لو زعلان هل عار ولا هاي الفضيحه ،،،، وبعدين هذا العار شيريد منج اكيد اكو شي يريدة رنا بصوت مبحوح من البجي. وبنفس الوقت متردد وخايف : يريدج منسه: شنووووو!!!!!!!!!! رنا: اي يريدج منسه بعصبيه وصياح : اكيد انتي وياه مخابيل وعبالكم تمشي عليه سوالفكم هاي ولي عني مو صوجج صوجي اني الانقهرت عليج رنا : منسه ماجاي اجذب وروح ابويه ،، تدرين مااحلف بي جذب. بس هذا الصار والله منسه: احس عبالك جبل ووكع عله راسي. ،،، هي دزتله صور اني شعليه بالموضوع كله كل شي ماجاي افتهم لازم اهدء وافتهم منسه : اني ليهسه مافاهمه اني شدخلني بالنص. فاحجي قبل لا اروح اعوفج رنا : لا حبابه والله احجي ،،، شوفي برة مادزيتله الصور بديت الاحظ انو بدة بتغير عليه يتاخر هوواي ياله يجاوب عليه و مرات متصل واراسله ومايرد لحد ماطكت بيه فديوم وكتله رنا : بلال شبيك شنو هاي التصرفات فهمني شبيك ترة اعوفك والله وبعد مااشوفك وجهي. جنت احجي بعصبيه وانفعال شو هذا طكها ضحكه ولا مهتم وكام يحجي باستهزاء بلال: ترة والله اعووفك بلال ،،، ههههههه. عله اساس ميت عليج اصلا مااشتريج بقندرتي سمعي لج وفهمي انتي ماتهميني حالج حال باقي الك....... وكل اللي ردته منج راح احصله وما تكدرين ترفضين او تصيرين ذكيه عود وتگوليت لاحد لان صوورج عندي. كلمه وحدة ماتعجبني منج انشرهن بكل البرامج. واخليج علج بحلوك العالم. واهلج يذ*حونج ويغسلون عارج يا ساقطه رنا تحجي بطريقه شخص مامصدك ويحاول يقنع روحه : انته شتحجي حبيبي. بلال شنو هذا الشقه عمري مااحب هيج مقالب بلال : دنجبي ،، مقالب كالت عله اساس اني ميت عليج ،،،سمعي لج. الاريدة منج يتنفذ اريدج تحجين ويه منسسسه وتكليلها بلال يكول اريد احجي وياج فتجين حته نحجي لو انشر صور صديقتج تكليلها كلامي بلحرف الواحد،، مفهوووووووم رنا : ايي رنا : منسه والله هذا الصار حبابه بس احجي وياه خل يمسح صوري منسه : وليش اني من بين الكل رنا ببجي : هو تقرب مني اصلا علعمودج كل بنات الجامعه ذابحات روحهن عليه. وهو يصدهن ويطنشهن الا انتي هو حاول وياج. وانطاج رقمه وانتي رفضتي ومو بس هيج ذبيتي رقمه بالزباله. ،،، وبقيتي مطنشته وهو متخبببل عليج لان. صديتيه حبابه بس احجي وياه منسه : مااعرف مااعرف وكمت وعفتها اني اليوم بيمن مصبحه ووكعت هاي البلوة عله راسي ربي. شمسوويه اني بحياتي وهيج البلاوي تجيني ركض عبالك اني مغناطيس ويلزكن بيه ************** ليلى برة نجاحي وقبول الشيخ حاكم انو اداوم بديت احظر روحي والفرحه ماسايعتني وردت اردلهم ولو شي بسيط من هاي السعادة البداخلي كمت ارتب بالبيت. لان جنت هاملته بفترة الامتحانات يعني انظفه بس شنو تنظيف سريع مو مثل اليوم جلفته جلف بحيث ماخليت شي يعتب عليه الكاشي كام يلهث من النظافه. والطباخ يلمع لمع انظف من الشركه عبالك مامطبوخ بي ابد نظفت كلشي وتعبت فصعدت فوك حته اسبح طلعت ملابسي من الكنتور وطبيت للحمام وسبحت المي جان دافي ويخبل. حسيت كل عظمه بجسمي ارتاحت من التعب وحسيت جسمي راح يطير من الراحه كملت وطلعت واني انشف شعري وانصدمت بقيس واكف كبال الكنتور وجاي يطلع ملابسه حييييل اشتاقيتله وكلبي الاثول احسه راح ينفجر هاي بس شوفته هيج خربطت احوالي لو. اجه يوم وتغزل بيه شسوي جوز اموووع واسيح گباله امداج ليلى بطلي سوالفج هزيت راسي حته انكت الافكار اللي اجت برلسي واني اشوفه كبالي بعيونه الخضر اللي تسحر شكو واحد يشوفهن لو شعرة الجوزي المشطب بشكار لو طوله اللي يحسسك عبالك سنفورة كباله فزيت من صفنتي عله صوته وهو يكول قيس: هلا ليلى شلونج مبروووك النجاح وان شاء الله تحقيق الاماني وهديتج ماناسيها طلبي التردي واجيبلج ليلى : حيل خجلت وكتله الله يبارك بيك . واحس روحي راح اسيييح گباله قيس : انه رايح اسبح. صبيلي الغدة لان جوعان ليلى : تامر قيس: مايامر عليج ظالم.،،، وراح غميت روحي وكلت بكلبي امداج ليلى. شكد ثوله انتي بايعه الدنيا لخاطرة وهو حته نظرة مايعاينلج امداج وامدة حظج المشكك ((فـړ‎حـھۃ زمـاآني إخذھـآ غغيآپـګ ‏ֆ ?)) ************** منسه رجعت للبيت واني احس روحي راح اتخبل شسوي اروح وخاف يسويلي شي وخاف مااروح وينشر صورها وتصير خطيتها برگبتي يااربي شسوي وكمت ابجي صارلي سنين ماباجيه حيل مشتاقه لاهلي اتمنه لو بعدهم عايشين جان هم ساعدوني جان نقذوني من هاي المصيبه اللي اجتني تايهه لا بيها ولا عليها اني احب خالي بس هو شخصيته ضعيفه بشكل وكل القرارات بيد مرته بحيث مايتحرك شي بالبيت اذا كو بامر منها بس. هو مرات يوكف بوجها لخاطري بس والباقي كله بيدها والشاهد الله صح هي اذيه وياي وتخبث عليه بس تموت عله خالي بس يجي تبقه تفركله رجليه وداري وتطبخ الاكل اليحبه و صح كلشي بيدها. بس مايوم شفتها سوت مشكله وياه حيل تحبه وتخااف يزعل منها وهي صح خبيثه بس مرات تنزل عليها المحنه وتنقهر عليه تصير حبابه يومين وترجع لخباثتها حته مرات احس روحي ماافهمها اليوم البعدة داومت واني قررت بعد ماسهرت الليل كله واني افكر شسوي وشكول لرنا بس كلت اغلس لحد مارنا تجيني واذا عاف*ني ومااجت بعد احسن شي نص ساعه واجت رنا دور عليه بعيونها وكل عادة عيونها حمر دمممم بقت دور لحد ماشاف*ني واجت حجت رناا: منسه. شكلتي حبابه ترة حياتي معتمدة عليج حبابه تعالي هو منتظرج اليوم ويكول اذا ماتجي نحجي انشر الصور ،وطكت بالبجي من جديد منسه : تمنيت لو اكدر اكللها ماعليج بيج واعوفها تمنننيت بس مااكدر لا هاي اخلاقي ولا مبادئي. وهم رنا عشرت عمر مااكدر اعوفها بمصيبتها وادري حته الكلام والحجي الصار بينه جان بلحظة غضب ومو قصدها بس اني شلت بخاطري منها وليهسه اني زعلانه عليها بس مااكدر اعوفها طاح حظك ياكلبي كتلها واني اتحسر منسه : رااح اروح رنا وكامت تبجي بصوت اعله : منسه والله اسفه عله كل حجايه كلتها عليج والله اسفه وبقت تبجي منسه : وين لازم لشوفه رنا : منتظرج بالكراج يمه السقيفه تلكي واكف يمه سيارته يريدج ساعه ب10 هو كال اكلج هيج. منسيه : جرريت نفس وكتلها الله كريم ،، عاينت للساعه ب9 ونص يعني بعد نص ساعه مو مال ادخل محاضرة فض*بت المحاضىة وبقيت بالحديقه كاعدة وافكر واحس روحي بنص ناار رااح تحرگني حيييل خايفه وماادري شسوي لاخر لحظة اني مترددة واريد ارجع لحد ماصار ساعه بال 10 رحت للكراج مثل ماكالت رنا لكيته واكف ومنتجي عله سيارته بنطرون اسود. يلمع. وقميص رصاصي ماكو باناقته ونظارات شمسيه وساعته الماركه وشعره المسرحه ليفوك يمكن لو غير وحدة بمكاني جان نعجبت بي او مال گلبها اله بسبب جماله وقيافته بس اني من اول لحظة شفته ببها ماارتاحيتله واحسه عبالك شيطان. وهو ماكو فرق بينهم ثنينهم يغوون ابن ادم لارتكاب الخطا بعدين يتبرون منه واصلا بلال احسه انگس من الشيطان نفسه وصلت يمه وكلت منسه : نعم احجي بسرعه شرايد.مني بلال : لا مامرجيه منج ترديني احجي وياج واحنه هيج واكفين خليني اعزمج بمطعم بكوفي ونحجي عله راحتنه وغمز منسه : انته م**ل لو شبيك ترة لو ما رنا تتوسل ببه جان مااجيت احجي التريدة وخليني اروح بلال: تعالي خل نكعد بمطعم ونحجي وفتح باب السيارة منسه : مبين ماعندك نيه تحجي اروح احسن ودرت وجهي اريد اروح وجان اشوفه لازم ايدي بقيت اصيح : عوفني هد ايدي حقير وهو يجرني للسيارة يريد يدخلني واني احس عبالك تخبلت وكمت اعيط واصيح حته بلعومي احسه تجرح من العياط بلال : دنجبي وكافي ماتجين بلعيني واغاتي اجيلج بالغصب وبقه يجرني منسه : شكد حاولت ادفعه شكد صيحت بس جان اقوة مني لحد ما يتبع ......... ★★★★★

Free reading for new users

Scan code to download app

App Store Google Play

Facebookexpand_more