◄Diego's POV►
"Sa tingin mo ba ay nasa Pilipinas pa si Remy? Kasi ako, ang duda ko ay nakalabas na sila ng bansa at may mga taong tumutulong sa kanila ngayon. Sa totoo lang ay nanghuhula na lang yata ako ng sasabihin ko sayo, kasi nakikita ko ang paghihirap ng kalooban mo. Hindi ka man nagpapakita ng luha pero nakikita naman namin sayo na sobra ka ng nahihirapan."
Hindi ako sumagot kay Thomas. Masyadong malalim ang iniisip ko at gulong-gulo na rin ang isipan ko. Patungo kami ngayon ng Sagada upang mag-imbestiga. Mahigit isang linggo na kaming naghahanap pero hanggang ngayon ay hindi pa rin namin nahahanap si Remy at si Leng.
"Pagdating natin ng Sagada ay matulog ka muna sa lumang bahay. Kailangan mong matulog Diego para magkaroon ka ng lakas. Kapag hindi ka natulog at nagpahinga, hindi
