“Kuya Mon! Sige na, isang wish lang. Gusto ko talaga si Eula. Pero, ayaw niya sa akin dahil babae ako. Ang gusto niya, lalaki! Naririnig mo ba ‘yun? Lalaki ang gusto niya!”
Inis na inis si Vivian at nagdadabog pa sa harap ng kaniyang kuya Mon na isang mabilis na batok ang ibinigay sa kaniya.
“Gaga ka! Sasayangin mo ang wishlist para sa walang kuwentang bagay! Hindi ako papayag! Kung ayaw niya sa ‘yo magtiis ka!” At mabilis na lumabas ng bahay ang kaniyang kuya Mon. Dumiretso naman ang dalagang si Vivian sa kusina at binuksan ang ref. Inilabas niya ang lahat ng alak na mayroon sila at mag-isang uminom. Hindi niya matanggap na binasted siya ni Eula dahil sa pareho silang babae.
***
Awang-awang pinagmasdan ni Mon ang kapatid habang bagsak ito sa sahig at nagkalat sa lamesa ang ilang basyo
