Kabanata 17
A L I S O N
“Kumain na muna kayo!” aya ni Nathalia sa mga bagong dating na bisita, pagkatapos bumati ng mga ito sa akin.
Mga kaklase niya iyon. Hindi ko talaga akalain na marami pala siyang inimbitang bisita. Akala ko simpleng handaan lang ito. Nagkataon pa na may bisita din si Matteo kaya sobrang dami tuloy tao sa bahay nila. Kung sa bagay, lagi namang madaming tao sa mansyon ng mga Lopez dahil mahilig talagang mag-imbita ng bisita ang kambal. Lalo na si Nathalia. Parang laging may party dito sa kanila.
Mabuti na lang at hindi mahigpit ang mga magulang ng kambal. Hinahayaan lang silang gawin ang mga gusto nila. Kahit nga mag-inuman kami dito ay ayos lang sa kanila. Kaysa naman daw sa ibang lugar pa maki-party ang anak nila. Mas gugustuhin na nilang dito na lang. At least,
