Kabanata 50
A L I S O N
Ayaw pa sana akong iwan ni Blake pero pagkatapos ng ilang beses kong pangungumbinsi sa kanya na tumuloy na ay iniwan na din niya naman ako. Hindi pa napapawi ang ngiti ko nang may biglang kumurot sa tagiliran ko. Bahagya akong napatalon sa gulat sa ginawa ng kaibigan ko. Agad naglaho ang ngiti ko nang mapagtantong narito pala siya at siguradong nakita niya ang pagsigaw ko kanina para suportahan ang team nila Blake. Sigurado din akong may kung ano na siyang iniisip tungkol doon. Hindi ko tuloy alam kung ano na ngayon ang sasabihin ko sa kanya. Bigla din akong nakaramdam ng kahihiyan, kaya hindi ko alam kung paano na siya haharapin ngayon.
Hindi ko naman siya pwedeng iwasan na lang. Dahil sa lahat ng tao dito sa school siya ang pinakamalapit sa akin. Saka panigurad
