Kabanata 58
A L I S O N
Walang nagsasalita sa amin habang nasa biyahe pauwi sa bahay. Tahimik lang kami pareho at nakatingin sa daan. Akala ko sa sandaling pananahimik namin ay kakalma itong puso ko sa mabilis at malakas na pagpintig, ngunit wala ding nangyari. Naroon pa din ang kaba, kaba na hindi dahil sa takot. Hindi ko maipaliwanag kung anong klaseng kaba ito dahil kailan ko lang naman naramdaman ito at palaging sa kanya lang.
Ano kayang mayroon sa lalaking ito at nakukuha niya akong lituhin sa nararamdaman ko. Mas matagal kong nakasama si Kenzo pero kahit kailan hindi ko naramdaman ang ganito sa kanya. Ang dali kong nasasabing gusto ko siya pero kung gusto ko talaga siya, ano itong nararamdaman ko kay Blake? Ibang-iba itong pakiramdam na pinaparamdam sa akin ni Blake, kahit kailan
