Kabanata 15
A L I S O N
Bigo akong mahanap si Matteo sa araw na iyon. Hindi yata pumasok ang isang ‘yon kaya hindi ko mahanap sa buong campus. Bahala na nga siya. Nang babae nanaman siguro ‘yon kaya hindi pumasok. ‘Tsaka baka hindi na din naman siya interesado sa ibabalita ko. Baka naka-move on na ‘yon sa pagkagusto niya kay Zamara Campbell. Sa dami ng babae niya, hindi malabong makalimutan niya din ang first love kuno niya.
Fourth year high school kami noong inamin niya sa akin na si Zamara Campbell ang first love niya. Unang beses niya pa lang daw nakita hindi na niya makalimutan ang babae. Pero hindi ko alam kung seryoso ba siya sa sinabi niyang iyon dahil panay pa din naman ang pangbababae niya. Hindi pa din nababawasan ang kaharutan. Kung totoo ang sinasabi niya na first love niya
