Chapter Nineteen
Charm's PoV
"May... May dapat ba tayong pag-usapan?" tanong ko na ikinataas ng kilay niya. Sa tingin ko ay wala kaming dapat pag-usapan. Ngunit gusto kong marinig ang lahat ng sasabihin niya.
"What do you think? Alam kong alam mo ang sagot sa tanong na ‘yan," sabi niya at tinignan ako mula ulo hanggang paa. "Okay fine. Mukhang ikaw ‘yong tipo ng taong hindi nakikinig sa sasabihin ng iba. You're too young para sa isang seryosong usapan and I know you won't take me seriously. But I still want to be honest with you dahil baka sabihin mong hindi man lang kita binalaan,"
"Ano bang pinagsasabi mo?" Hindi ko na naitago ang pagkairita sa boses ko dahil sa sinasabi niya. Hindi ko talaga kayang tagalan ang presensya niya. Hindi ako komportable ngayong nasa harapan ko lang siya.
