Shinoeh Weanne Cueva's P.O.V.
Mas naunang naka react sa akin si Jai. Sinugod niya ito. "How dare you do that? Ang toxic mong fan," gigil nitong saad at hindi na napigilan ang sarili. Tinampa nito ang mukha ng babae.
Ang mga crew sa shop ay lumapit na sa amin. Ang iba naman ay nag-vi-video na.
Dinuro siya ng babae. "Bakit ka ba nakikialam ha?"
Napataas ng kilay si Jai. "At bakit hindi?" mataray niyang tanong.
Pumagitna na ang crew na lalaki. "Ma'am, kung pwede po ay umalis na lang kayo," sambit nito sa babaeng nambuhos sa akin ng juice.
Natawa ito ng pagak. "Siya ang paalisin niyo. Linta. Higad. Mang aagaw," mariin ang bigkas nito sa bawat mga salitang binitawan niya.
Hinding hindi ko siya papatulan dahil hindi naman ako natatamaan sa kanyang sinabi. Isa pa, I will not satisfy her.
