“Sigurado na ba kayo sa desisyon ninyo?” Seryoso ang mukha ni Mang Arthur. Gano’n din si Aling Loring.
Magkahawak ang kamay na ipinagtapat nina Tony at Kristina ang balak nilang pagpapakasal sa pinakamabilis na panahon.
“Kung sigurado na kayo, ay sino ba naman kami para humadlang?” wika ni Aling Loring. “Tony, alam kong mahal mo ang anak namin. At tama ka, kilala ko rin ang mommy mo. Gagawin niya ang lahat para paghiwalayin kayo. Hindi sa kinukonsinte namin ang gagawin ninyo, kundi wala akong makitang mali sa gusto ninyong mangyari. Mahal ninyo ang isa’t isa at gusto ninyong ipaglaban ang pagmamahal na iyon. Bilang magulang ni Kristina, at bilang anak na rin ang turing ko sa ‘yo, hangad namin ang kaligayahan ninyong dalawa.”
“Ang inaalala ko lang,” ani Mang Arthur, “Kristina, hindi ba b
