Naalimpungatan si Sen. Javier nang magising nang hapong iyon. Napatingin siya sa orasan.
‘3 o’clock na pala..’
Sabagay, mainit pa naman ang sinag ng araw sa labas. Matatanaw iyon mula sa window glass ng kaniyang silid.
Napabuntong-hininga siya nang maalala ang naging huling usapan nila sa phone ng kaniyang inaanak. Nakaidlip na lamang siya sa kahihintay na ito'y dumating. Buong akala niya'y susundin nito ang sinabi niya. Napapikit na lamang siya nang mapagtantong panaginip lang pala ang lahat. Akala niya’y totoo nang pumasok ng kaniyang silid si Francesca, hindi pala.
‘She’s really hard-headed and stubborn,’ bulong niya.
Nasapo niya ang kaniyang noo. Maya-maya'y tumayo siya at inayos ang nagusot na damit at shorts. Nagsalin siya ng tubig sa baso at ininom iyon saka pumanaog ng kwarto
