Ang Dalawang Anino ni Satanas

X

June 2018.

Naglalakad sina Jules at Hannah sa loob ng Megamall. Sabado, kaya't maraming tao na nagshoshopping at para kumain. Suot ni Hannah'y rock tees, ripped jeans at Chucks, si Jules, t-shirt at corduroy niyang pantalon, plus Vans, 'yung red. Marami silang dalang mga shopping bags. Sa nakuhang kabayaran nila mula kay Don Carlos, ay nakapag-shopping spree sila. Although malaki ang parteng ibinigay nila kay Bishop Israel, ay sobra-sobra pa rin ang natira. Si Jules ay may bagong Nike at Adidas na rubber shoes habang si Hannah ay Converse. Kapuwa sila namili ng mga bagong Levi's, at dumaan din sa Mango, Berksha, Old Navy at Uniqlo. Inisnab nila ang H&M.

"CD? May bumibili pa ba ng CD?" pang-aasar ni Jules kay Hannah pagka't balak ng psychic na bumili ng bagong CD. "Spotify na lahat ngayon