TILA MAY TUMATAWAG Kay Jaxon. Isang bulto ng isang babae may mahabang buhok. Nakasuot ito ng isang puting bestida na lalong lumutang sa kagandahan nito. Alam niyang maganda ito kahit pa malabo ang tingin niya sa bandang mukha nito.
Kilalang-kilala ito ng kanyang puso. Para bang karugtong ito ng kanyang buhay. Nang hawakan nito ang kamay niya ay agad niya itong inabot. Tiyak na lahat ng kakulangan sa kanyang buhay ay mapupunan nito. Bakit ba naman hindi?
Mula ng dumating ito sa kanyang buhay ay maraming nagbago. Ang dating walang kulay na pagharap niya sa bawat araw ay napalitan ng bahaghari. Ang bahagharing simbolo ng walang hanggang kaligayahan.
“Saan tayo pupunta?” tanong niya. Mahigpit ang pagkakahawak nito sa kamay niya.Ngumiti lang ito.Napawi niyon ang lahat ng kanyang pag-aalinl
