"Paul Shin!" sigaw ko rito nang siya na rin mismo ang nagbukas ng pinto sa bahay.
Nauna pa talaga siyang pumasok sa loob. Maanghang akong natawa habang pinapanood siyang nagtatanggal ng kaniyang sapatos at medyas. Isa-isa niyang inalis ang butones sa kaniyang white polo.
Nang mahubad ay ibinaba naman niya iyon sa sofa. Sunod niyang hinubad ang suot niyang pants. Kulay puting sando at boxer shorts na lamang ang natirang saplot niya. Roon ako tuluyang napanganga.
Hindi ko na maramdaman ang panga ko at hindi na rin mahagilap kung saan pa napadpad. Deretsong nagtungo si Paul Shin sa lababo upang maghugas ng kamay, saka naman din niya inihanda ang sarili at mukhang magluluto siya.
Ilang minuto ang nagdaan nang mapalingon siya sa gawi ko na nananatiling naroon sa hamba ng pintuan. Ngumisi it
