“Mauuna na ako sa baba. Magkita tayo sa may kwadra. Kailangan kong pumunta sa poultry. Mas mapapabilis ang pagpunta natin doon kapag sasakay tayo kay Rayleigh.”
Napangiwi ako. Napansin kaagad iyon ni Senyorito kaya napakunot ang noo niya.
Malayo ang poultry. Nasa may dulo pa ito ng silangang bahagi ng rancho. Madaraan muna ang mga puno ng mangga at taniman ng mga palay at mais bago pa kami makarating doon.
“What’s the matter?”
“Ni minsan ay hindi pa ako nakasakay sa kabayo.”
Ngumisi siya. “Ayos lang. Aalalayan kita.”
Namula akong muli ng titigan niya akong mabuti. Tumango ako. Hinalikan ni Senyorito ang tuktok ng ulo ko. Hinaplos niya ang aking pisngi bago siya huminga ng malalim. Tinitigan niya ang mukha ko. Para siyang nahihirapan pero maya maya din ay tumalikod na siya.
Napat
