ريم : عاوزه اشرب ..
اسماء قامت بسرعه وجابتلها كبايه ميا وقعدتها وشربتها ...
ريم بتعب : المحلول ده اتحط فى ايدى امتا ؟ !
اسماء : الدكتور هو الى حطه ..
ريم : ايه الى حصل ؟ !
اسماء : والله يريم انا مكنت هنا ..
بس الى عرفته انك تعبتى وعمتى عرفت كل حاجه واحمد اتصل بالدكتور ..
ريم : انا معرفش النهارده يوم ايه .. انا معرفش ايه الى بيحصلى وبرضو معرفش انا نايمه بقالى كام يوم .. انا معرفش اى حاجه ..
اسماء : معلش يريم ..
معلش .
ريم : اخوكى شاف شعرى ..
اسماء : مهو جوزك وادالك الحقنه امبارح .. وفضل يعملك طول الليل كمادات ومنامش خالص وكان قاعد جنبك ..
دا انتى رجعتى على هدومه ..
ريم بصدمه : احم احم ..
اسماء : وهو جوزك على فكره ..
ف اكيد مش حرام يعنى وبعدين هو مش انا قولتلك ان احمد طيب ..
عارفه يريم اهم حاجه فى الجواز هى ايه ؟!
ريم : هى ايه ؟ !
اسماء والدموع فى عينيها ..
هى الرحمه . .
