جمعية قتل الرجال

عماد و علياء

طال الوقت على الجميع و أصبح مملا جدا و خاصة العروسين بدأوا يشعرون بملل فظيع ، أتصل سالم مرة أخرى بمهندس الصيانة لتشغيل المصعد قال سالم بعد أن أنهى المكالمة الهاتفية مع المهندس

- المهندس على وصول يا جماعة ما تقلقوش

- ما تخليه ينجز يا سالم يا اخويا العرسان زمانهم زهقوا من القاعدة معانا

- و أنا هعمل ايه يا ممدوح هو بأيدي حاجة و أنا أتأخرت

- حصل خير يا جماعة دلوقتي المهندس يجي الغائب حجته معاه

- زمان العريس على نار يا جماعة عشان ينفرد بعروسته

- هههههه دا أنت عليك حاجات يا امين يا اخويا

- بكرة يزهقوا و يسببها و يقعد ع القهوة

- ما تخليكي محضر خير يا مديحة يا اختي

- أنا عمري ما ازهق من علياء ابدا

- ربنا يسعدكوا يا بني

- طيب ما تسيبوهم يدخلوا البلكونة لوحدهم شوية يا جماعة بدل ما احنا طابقين على نفسهم كدة

- هههههههه دا أنتي عليكي حاجات يا منال

- اكيد عايز يقولها كلام رومانسي و احنا طابقين على نفسهم

- لا احنا مبسوطين جدا أننا اتعرفنا عليكم

- كلك ذوق يا عروستنا الحلوة

- ما شاء الله ذوقك حلو أووي يا عريس

- فعلا العروسة قمر ١٤

- ميرسي أووي لذوقكم

- طبعا علياء كانت اجمل بنت في الجامعة كل زمايلنا يتمنوها

- كانت و ما زالت ربنا يخليكم لبعض

- بس يا ختي لما طلعت أفرش مع أهلك و الست والدتك ما شفتش النيش بتاعك هو النظام عندكوا النيش بيبقى في أوضة النوم

- ههههه لا أنا قلت لماما اني مش عايزة نيش

- معقول يعني معندكيش صيني

- لا جبت اركوبال أبيض حطيته في المطبخ بس الصيني بقى غالي جدا و في كل الاحوال بيت**ر بسرعة

- عين العقل يا عروستنا

- علياء مش زي بنات اليومين دول كل همها تشتري و خلاص لو ما كانتش الحاجة في محلها و ضرورية ما تشتريهاش

- ست مدبرة هتكون ست بيت ممتازة أن شاء الله

- لازم كل شخص يشوف أيه اللي محتاجة بالضبط و يجيبه ما ينفعش نعيش مستهلكين و بس

- تمام يا ست البنات و على كدة بقى بتتف*جي على برامج الطبيخ اللي بيعرضوها على القنوات الفضائية

- هههه اه طبعا لازم اتف*ج عليها من باب العلم بالشئ

- هههههه يعني ما بتجربيش أي حاجة من اللي بتشوفيها خالص

- الطبخة اللي مكوناتها متوفرة عندي أجربها مش متوفرة خلاص

- يا بختك بعروستك يا عريس

- و لو باظت بناكلها برضوا ههههه

- هههههه أمال يعني تترمي خسارة

- هههههههه خسارتك يا بطني

- هههههههه بس شكلك ست بيت شاطرة

- لا ما أوعدتكيش لسه بتعلم

- لا و لا يهمك احنا نعلمك كل حاجة

- طيب و ليه كدا بس ما تسيبوها بخيرها

- خليك في حالك يا سي امين

- ما أنا في حالي أهه

- على فكرة ستات العمارة هنا كلهم أصحاب و أكتر من الأخوات و أنتي هتبقي اختنا الصغيرة يا علياء

- ميرسي يا هدى ما أتحرمش منكم

- و الرجالة كمان يا عريس

- فعلا احنا هنا كلنا عيلة واحدة

- الرجالة هنا كلنا أيد واحدة و كلنا أصحاب و أكتر من الأخوات يا عماد

- أيد واحدة في القعاد ع القهوة

- بتقولي حاجة يا سامية

- لا و لا حاجة يا ممدوح

- بكرة تندم يا اللي في بالي

- ما تهدى يا صابر مالك يا اخي احنا في فرح

- ما تأخذوهوش يا جماعة أصل الاستاذ صابر ما لهوش في حياة الاستقرار و الجواز ليه في ال .....

- و بعدين يا سامية ما يصحش كدة

- أنا برضوا اللي ما يصحش

- نصيحة ما تسيبيهوش يتصاحب عليهم هيعلموه القعاد ع القهوة. و هيعلموه الصرمحة طول الليل

- لا أطمني يا مديحة عماد مش صغير عشان حد يغيره

- عجبني ثقتك في نفسك دي أووي يا أختي

- ههههه لا ما تقلقيش عليا يا ست مديحة كل واحد برضوا ليه عقل يحركه و يحكمه

- اللي عنده عقل بقى يا سي عماد هههه

- قصدك أيه يا سامية

- و لا حاجة يا ممدوح

- ما تخلي اليوم ده يعدي على خير

- و بعدين يا جماعة احنا معانا جيران جداد أول مرة نتجمع معاهم كدة ما يصحش

- صلوا ع النبي كدة احنا كنا بنضحك لسه

- عليه الصلاة و السلام فرفشوا كده

- أه خليكوا فرش احنا في فرح عماد و علياء

- ههههه ربنا يسعدكوا و يصلح حالكوا يا اولاد

خرج عبد الحليم من المصعد ثم وقف أمام باب شقة أمين و مديحة قائلا

-

هي منال عندكوا

- أه يا عبد الحليم تعالى

دخل عبد الحليم قائلا

- خير يا جماعة متجمعين في الخير أن شاء الله

- مش تيجي ترحب معانا بجيرانا الجداد

- أهلا و سهلا تشرفنا

- دول العرسان الجداد اللي أجروا الشقة الصغيرة اللي في السابع

- هههههه أنتي م**مه يا مديحة يخرب عقلك

- القاعدة ناقصاك من بدري يا عبد الحليم

- أنا طلعت أدور عليكي ملقتكيش في الشقة قلت أكيد مديحة رويتر هي اللي تعرف مكانك

- يا دي رويتر ما حدش يناديني رويتر تاني

- هههه بنهزر معاكي يا مديحة

- مش انتي اللي عاملة زي وكالة الأخبار

- كدة يا أمين ماشي

- بس مش واخدين بالكوا انتوا بقى أن عبد الحليم بيدور على منال و يا عيني مقدرش يقعد في البيت من غيرها

- أه و منال تقوله القاعدة ناقصاك

- ههههه ايه الرومانسية دي كلها

- واضح أن عبد الحليم أتعلم الرومانسية من منال

- ههههه شكلهم كدة من عاشر القوم بقى

- رومانسية أيه أنا جعان و مش لاقي حد يأكلني

- ههههههه يعني هي دي كل مشكلتك

- و احنا اللي ظلمناك و قولنا دا بقى رومانسي

- أيوه انتوا خلصتوا على مديحة بقى و تبدأوا تستلموني تريقة

- حد كلمك يا منال

- احنا بنكلم عبد الحليم

- و أنا أيه و عبد الحليم أيه

- براڤوا يا منال

- هههههه براڤوا على أيه يا علياء

- براڤوا أنها معتبرة أن هي و عبد الحليم جوزها واحد و أي شىء يمسه يمسها

- واضح انك انت و علياء بتفكروا بنفس الطريقة فعلا يا عماد

-

طبعا

- بتفهمها من غير ما تتكلم كتير

- فعلا

- و أنا كمان يفهمه من نظرة عينيه

- دي حاجة جميلة جدا

- زي عبد الحليم بالضبط بيفهمني من غير ما اتكلم كتير

- هههههه يعني فعلا طلع رومانسي اهه

- هههههه رومانسي جدا دا اسمه عبد الحليم بيمسك الهوى بأيديه و بيتنفس تحت الميه

- يعني بتتريقي عليا معاهم أهه يا منال

- و أنا أقدر يا عبد الحليم

- ما أنتي قدرتي أهه يا اختي

- بتهزر معاك يا عبد الحليم

- الزوجين لازم يكون بينهم مساحة للهزار و خفة الدم و المقالب عشان ي**روا الروتين

- هو انتي بتجيبي المعلومات دي منين يا علياء يا اختي

- علياء مثقفة جدا جدا

- بقرأ كتب في العلاقات الزوجية و تربية الأطفال

- كتب أه عشان كدة

رن جرس هاتف سالم معلنا عن مكالمة هاتفية ابتعد سالم عن التجمع و فتح هاتفة ليتلقى المكالمة ثم عاد قائلا

- المهندس جه يا جماعة عشان يصلح الاسانسير هنزل أقف معاه لغاية ما يخلص

- كتر خيرك يا استاذ سالم

- لا و لا شكر و لا حاجة المصلحة واحدة عن اذنكوا

- يا رب يصلحه على طول

- أن شاء الله

أنصرف بعض الحاضرين في حديث جانبي قال ممدوح لهدى

- طيب هو سالم كدة اكيد هيحتاج فلوس

- تقريبا كان فاضل فلوس في صندوق العمارة لو مقضوش سالم هيكمل و يبقى يحاسبكم بعدين ع الباقي أو ياخده من صندوق الشهر الجاي

- ربنا يكرمه

-. تسلم يا اخويا

قالت مديحة

-. العرايس خلاص زهقوا مننا ع الآخر

-. صراحة معاهم حق

-. ههههه حظهم ايه حلو أوووي

-. دا وشهم شكلوا حلو علينا

-. حرام عليكوا الاسانسير بيعطل كتير هو النهاردة يعني أول يوم يعطل فيه

-. لا يا اختي مش اول يوم بس بقاله كتير كان ماشي كويس

-. أد*ك قولتها بقاله كتير يعني محتاج صيانه

و لكي تكتمل المفاجآت الغير سارة تم انقطاع التيار الكهربائي عن الحي بأكمله هلل الجميع بأصوات غير مفهومه قال أمين

-.

,- هدوء يا جماعه ما لكوا بس اول مرة يعني النور يقطع

-. أيه ده النور كمان قطع

-. المهندس هيصلح الاسانسير كده ازاي

-. هي الكهرباء بتقطع في المنطقة هنا كتير

-. لا يا اختي ما بتقطعش مش عارفة في ايه النهاردة يا عروسة

,-. هو احنا حظنا حلو بقى النهاردة و لا ايه

-. حظكوا حلو و وشكوا كمان حلو هههههه

-. الله يكرمكوا

-. انت زعلت يا عريس دا ممدوح بس بيحب يهزر ما تاخدش على كلامه

-. و لا زعل و لا حاجة ربنا يفوت اليوم ده على خير

-. أن شاء الله هتبقى ليلة زي الفل أن شاء الله

-. أن شاء الله

-. روقوا كده ليلتكم بيضا

-. دا حتى الجو كده رومانسي خالص

-. يا منال يا اختي فلقتينا بالجو الرومانسي بتاعك ده

-. نوروا كشافات الموبايلات طيب نشوف بعض و لو خيا لات حتى

-. حاضر ادي كشاف الموبايل كويس كده

-. كويس

و بعد قليل عاد التيار الكهربائي إلى المنطقة بأكملها فهلل الجميع فرحا و استطاع المهندس أن يستكمل عمله في تصليح المصعد و اصبحت ليلتهم بيضاء و مرت بغير سوء ،. لأن سالم حين انقطع التيار الكهربائى قام بتشغيل كشاف الموبايل المهندس و قد أستطاع أن يجري بعض الإصلاحات بالرغم من انقطاع التيار الكهربي و استكمل عمله حين عاد التيار .