صعدت مديحة إلى منال و اخذتها و صعدوا إلى سامية و اتصلوا بهدى لتنزل إليهم و نزلت بعد مرور بعض الوقت و جلست سامية تعد لهن القهوة قالت مديحة
- مش حماتي رجعت
- صحيح مب**ك يا مديحة
- لكن أمي ما رجعتش يا سامية
- معلش مسيرها ترجع
- امتى بس مرات اخويا ماسكة فيها ما هي طبعا بتخدمها
- ما داموا مرتاحين مع بعض خلاص
- أتصلت عليها امبارح قالت إنها بتعاملها احسن معاملة
- خلاص سيبيها بقى
- أتعودت على وجودها معاية يا هدى
- أكيد هتبقى تيجي تزورك
- بعد دقة النقص اللي عملها معاها أمين ما افتكرش
- و هو أمين عمل ايه بس
- كفاية أنه حاسسها أنه مش واخد حريته في بيته
- ما هو صحيح يا مديحة يا اختي دا انتي و هو و العيال ما شاء الله و بتقولي حماتك جت كمان شوفي العدد
- يا سلاااااااا اااااام يا اختي و هي بقى أمي هي اللي زودت العدد و عاملة زحمة يا هدى
- عارفة يا مديحة
- خير يا سامية
- أنا مبسوطة أووي بلمتكوا سوى اللمة حلوة أووي
- الله اكبر
- أنا مش بحسدك يا مديحة اللهم لا حسد أنا بس بيصعب عليا وحدتي
- اللهم لا حسد لكنه قرر
- هههههه يخربيت فقرك يا مديحة
- أنا بهزر يا منال ما تولعيهاش
- ههههه أنا قلت حاجة
- انتوا ما قلتوش عملتوا ايه مع رجالتكوا يا بنات سبع و لا ضبع
- أنا سبع طبعا يا هدى
- لا و الله عبد الحليم وافق المرة دي
- ده اتغير معايه أووي يا هدى
- أحلفي
- و الله
- اتغير ازاي يعني
- معرفش فجأة كده لقيته بقى حنين و لما قلتله عايزة أطلب منك طلب قال اطلبي قلتله أن في رحلة للعمارة كلها و عايزة اطلع أنا و أنت معاهم
- وافق
- على طول تخيلي
- مش معقولة الموضوع ده في أنه أنتي قولتيله أن سالي هي اللي عاملة الرحلة
- اه
- يبقى وافق عشان كده ههههه
- لا يا ست سامية بالع**
- بالع** ازاي يعني
- أول ما عرف قالي مش هي دي سالي اللي قلتيلي حسك عينك تكلمها
- هههههه هما الرجالة كلهم زي بعض
- ليه هو سالم قالك كده
- أه
- طيب وافق يعني في الأخر
- طبعا
- هههه يعني انتي كمان سبع
- أه
- و أنتي يا مديحة
- سبع يا حبيبتي
- لا بجد
- أصلي بصراحة كده
- ها
- هددت أمين أنه لو مرجعش أمي و حماتي و رحنا الرحلة هسيب البيت و العيال و أروح اقعد في شبرا معاهم
- هههههه شاطرة براڤوا عليكي
- اللي ما يجيش بالحب يا اختي يجي بالقوة
- هههههه معاكي حق
- طيب و أنتي يا بت يا ساميه
- ما قلتش لممدوح أصلا
- ليه كده يا سامية
- مش عارفة يا منال مش طايقة أكلمه هطلع معاه رحلة ازاي
- يخرب عقلك هتشمتي اللي ما تتسماش فيكي
- صدقي أنها ما بقتش تفرق معاية
- ما لك يا بت يا سامية
- مش عارفة قافلة منه أو وي يا هدى
- اول مرة أشوفك في الحالة دي
- كل ما أفتكر كلام ماما أيام ما اتقدملي أقول ازاي ما أخدتش بالي أن عندها حق في كل حاجة قالتها عليه
- و هي مامتك قالت عليه أيه
- قالت إنه أنتهازي و ما بيحبنيش و لا حاجة زي ما بيقول
- و أنتي يا اختي جايه تفتكري الكلام ده دلوقتي
- تصوري فعلا جاية افتكر كلامها كله دلوقتي
- مش ده ممدوح حبيب القلب
- كان يا اختي كان
- و دلوقتي
- حاسة اني مش عايزة أكمل
- يا خبر اسود ايه اللي بتقوليه ده يا سامية
- لا لا يا اختي محصلتش للدرجه دي
- لا حصلت
- بت يا سامية أنتي كلمتيه في حكاية الخلفة تاني
- أه من فترة
- و بعدين
- في الاول رفض لكن بعد كدة جه معايه للدكتور
- كويس
- لا مش كويس
- ليه بس
- مش عايز يا اختي يعمل اي مجهود عشان نخلف
- يعمل مجهود ازاي يعني .
- قال مش دافع قلتله ادفع أنا لكن كمان و لا عايز ياخد علاج و لا عايز يعمل عملية حقن مجهري و لا شاغل دماغه
- يبقى هو ده بقى السبب اللي فكرك بكلام امك
- ما هو لو كان بيحبني و عايز يكمل معايه كان اكيد هيعمل المستحيل عشان نخلف
- لكن هو مكمل معاكي رغم أنكوا مخلفتوش
- حاساه مكمل كده لغاية ما يلاقي فرصة احسن
- بت يا سامية هو سبب تأخير الخلفة منك
**تت ساميه و لم ترد فردت هدى
- أيه يا مديحة السؤال ده
- أنا يا اختي مش قصدي و الله اتحشر بس كلامها أنه هيسبها معناه كده
- المصيبة أن المشكلة اللي مانعة الخلفة مشكلة هايفة محتاجة علاج لفترة و بعدها ممكن كمان نخلف عادي لكن هو اللي ....
- أيوه هو اللي أيه بقى
- ما خلاص بقى يا رويتر
- صدقوا و الله دي اخر مرة هقعد معاكوا فيها
- اعملي لك قافلة يا مديحة خلينا نشوف سامية ما لها
- شوفوها انتوا يا هدى أنا هنزل
- كل ده عشان قلتلك يا رويتر
- أنتي مش قصدك الكلمة و بس انتي قصدك معناها يا منال
- معناها ازاي يعني
- يعني فاكرة اني يقرر سامية عشان اعرف أخبارها و انقلها صح
- لا ما تقولينيش كلام ما قلتوش يا مديحة أنا بس مستفزني طريقتك مش اكتر
- بس خليكوا فاكرين كلكوا اني كنت بنقلكوا انتوا الاخبار مش بنقل أخباركوا لحد
- يخرب عقلك خرجتينا من موضوع لموضوع تاني خالص
- أنا افتكرتها متضايقة عشان قالتلها يا رويتر
- لا يا اختي هو انا ها**ه أنا فاهمه منال تقصد ايه
- لا بقى أنا كده اللي هسيبكوا و انزل
- اتكتمي منك ليها لأقوم عليكوا ض*ب لما يبانلكوا صاحب
- ض*ب
- بالشبشب
- أيه يا هدى .....
- قلت أتكتمي
- بت يا سامية
- نعم يا هدى
- العيب من ممدوح و مش عايز يتعالج
- أه
- يبقى عشان كده بقى
- هو أيه اللي عشان كده أنا عارفة من زمان مش اللي في دماغك خالص
- عارفة من زمان أزاي
- رحت لدكتور و عملت تحاليل و فحوصات من غير ما أقوله
- و بعدين
- عرفت أن معنديش اي مشاكل يبقى اكيد العيب منه
- لكن ده مش دليل ممكن هو يكون سليم برضوا
- أنتي عارفة اللي فارسني أيه
- أيه
- أن الدكتور قال إن مشكلته بسيطة و علاجها بسيط
- و ده يفرس في أيه يا اختي
- أه و الله يفرس و يشل كمان
- ازاي يعني
- أولا لو كان بيسمع الكلام و بيجي معاية نروح لدكتور و نحلل كان زمانه أتعالج و كان زمان معانا عيال من زمان
-
-
- ده نصيب يا ساميه يا حبيبتي
- ما هو لو بيحاول و ما حصلش يبقى ما عليهوش لوم لكن المصيبة أنه مش عايز
- يا بت ما تقعديش تأكلي في بعضك كده محدش هينفعك
- هخاف على نفسي ليه و عشان مين و لا راجل بيحبني و لا عيل محتاجني
- يا اختي خافي على نفسك عشان نفسك بلا رجاله بلا هم بلا وجع قلب
- خلاص يبقى كل واحد يروح لحاله
- يا بت ما تخربيش على نفسك
- هو في خراب اكتر من اللي انا فيه
- طيب اسمعيى
- نعم يا هدى
- لما يجي النهاردة خيريه
- اخيره ازاي يعني
- يعني قوليله يا اما يتعالج يا اما يطلقك
- أفرضي يا هدى قالها لا تخرب بيتها بعد السنين دي كلها
- لو قالها لا يبقى فعلا مش باقي عليها و ما يستاهلش انها تعيش معاه و لا ثانيه يا مديحة
- ما ينفعش نقولها كده يا هدى ربنا يهدي الحال
- ليه ما ينفعش هو احنا يعني كرهينلها الخير يا منال مش بنقول الحقيقة
- برضوا مش خبط لازق كده
- لا يا منال هدى معاها حق
- معاها حق ازاي يعني يا سامية أستهدي بالله
- لازم اقطع عرق و اسيح دم
- بس صلي ع النبي كده
- عليه الصلاة و السلام
- كلميه بالراحة كده و بهدوء الأول
- أه يا أختي منال معاها حق
- أنا قلت عبد الحليم ما يجيش منه لقيته اتغير
- يا اختي عبد الحليم اتغير عشان خاف و حس انك جبتي اخرك و هيخسرك
- طيب و ماله يا هدى
- بس برضوا عبد الحليم غير ممدوح
- طيب بس جربي تتعاملي بالراحة الاول لو مجبش نتيجة ابقي اعملي اللي انتي عايزاه
- مش عارفة همسك نفسي و لا لا
- بصي قوليله برضوا على الرحلة الأول و لما تروح ي الرحلة أبقي اتكلمي معاه هناك و طلعي كل اللي جواكي يمكن نفسيتك ترتاح شوية و تتعاملي مع الأمور بهدوء
- في دي معاكي حق يا منال
- و اهو تدي نفسك وقت تفكري كويس برضوا
- هحاول يا مديحة
- صحيح ما نا دتوش على اللي ما تتسماش ليه
- سالي
- ههههه في ما تتسماش غيرها
- لا مفيش بس الحكاية مش ناقصاها
- لا عايزين نتأكد منها و نطمن
- نطمن ازاي يعني
- أفرضي بعد ما قلنا لرجالتنا طلعت هي بترغي ع الفاضي
- ترغي ع الفاضي ازاي يعني يا هدى
- ممكن في أخر لحظة تقولك حصل أي ظرف و مش هينفع نطلع الرحلة
- يا لهوي أنتي بتقولي ايه يا هدى
- بقول ممكن يحصل يا مديحة الدنيا علمتني أني مصدقش كل حاجة تتقال
- فعلا يا هدى احنا بنتعلم منك و الله
- دا احنا يبقى شكلنا زفت قدام رجالتنا بعد كل ده
- صحيح يا مديحة احنا عمالين نعمل حوارات و نتخانق شويه و نسايسهم شوية
- طب كويس بقى اني مقلتش لممدوح
- أيه يا بنات ما لكوا أنا بقول ممكن ده يحصل و ممكن ما يحصلش و تكون صادقة في كلامها و نطلع سوى الرحلة
- طيب و احنا هنتأكد ازاي
- ما هو عشان كدة بقول حد ينادي اللي ما تتسماش تيجي هنا عشان نقولها أننا خلاص قلنا لرجالتنا و وافقوا
- أه عشان كمان نكبسها و نعرفها أن رجالتنا ما بيرفض ولناش طلب
- طيب و أنا
- قولي لها انك قولتيله أنتي كمان و وافق
- و أفرضي ما وافقش
- هيوافق أن شاء الله هيوافق
- يا له حد يناديها
- طيب و البت علياء
- ما لها
- محدش هينادي لها هي كمان
- أه عشان نشوفها هتروح و لا لا
- لا اكيد هتروح دي عزماها ببلاش
- ما هو ده اللي خلاني اشك فيها
- مش معقول تعزمها مجانا و تعزمنا من غير ما ت**ب من ورانا
- يمكن عايزة تجر رجلنا
- جايز و تبقى **بت زباين
- ممكن
- طيب اللي يناديها ينادي عليا بالمرة
- اوعوا حد يقول ناديهم يا مديحة مش كل حاجة مديحة مديحة
- ما لك يا بت يا مديحة
- خلاص خلاص احنا نتصل عليهم ما حدش يروح و لا يجي
- اه صحيح ما ارقام موبايلات هم معانا
اتصلت منال هاتفيا ب علياء لتأتي إليهم لتبلغها أنهم مجتمعين و ينتظروها لتجلس معهن لبعض الوقت فأجابتها أنها ستأتي اتصلت بعدها بسالي لتخبرها أنهم مجتمعين و ينتظروها لتكتمل تلك الجلسة النسائية فأجابتها أنها ستأتي بعد قليل و ظلوا ينتظرونهن .
-
-
-