جارات الهنا

1076 Words

صعدت مديحة إلى منال بالطابق الثالث ضغطت زر الجرس فتحت لها منال مرحبه بها قائله - أهلا يا رويتر تعالي - ما قلنا بلاش رويتر دي - ماشي خلاص لعلمك عشان كده قلت نتجمع عندي و بلاش نتجمع عندك تاني - ليه كده - عشان امين يا مديحة - ما له أمين - معنى تصرفاته و كلامه معاكي أنه مش عايزك تهتمي بأي حاجة غير بيتك و أولادك - هو أنا بشوف أمين خالص يا منال - ممكن الأولاد يقولوله أننا بنتجمع عندك - و أيه يعني ما هو بيتجمع مع أصحابه ع القهوة كنت قلتله انت بتسيبني و تقعد ع القهوة ليه - كدة أحسن يا مديحة. مش عايزين نعملك مشاكل مع أمين - يا ختي متطلعيهاش في دماغي بقى سمعوا صوت جرس الباب قالت منال - دي أكيد هدى هروح أفتحلها - روحي فتحت منال الباب فدخلت هدى قائلة - أذيك يا مديحة - الحمد لله يا هدى أنتي عامله ايه - الحمد لله هي سامية مجتش و لا أيه - لسه راجعة من الشغل هتحضر الغدا لممدوح و أول ما ينزل هتيجي - طيب على الله ما تتأخرش - ليه وراكي حاجة - الأولاد بيذاكروا و لازم اكون معاهم أنا سايباهم شوية بس - أبقي اطلعي اطمني عليهم و أرجعي أحنا بقالنا كتير ما أتجمعناش كده - أه فعلا لكن في الغالب كنا بنتجمع عند مديحة - لا بعد كدة نتجمع عندي أو عندك يا هدى - و ما له تنوروا طبعا - و بعدين معاكي يا منال ما تخلينيش أحلف أنكوا لازم تنجمعوا عندي زي ما كنا متعودين - لا ما تحلفيش - أي ده هو في حاجة أنا معرفهاش و لا ايه - مفيش كل الحكاية أن أمين بقاله فترة كدة متغير مع مديحة يعني و أنتي عارفة بقى متضايق من موضوع رويتر ده و من حاجات كده فقلت بلاش نعملها مشكلة - أه صح معاكي حق فعلا ما تعمليش مشاكل يا مديحة من حاجات فارغة ريحيه عشان تريحي دماغك و خلاص - ما أنا فعلا بعمل كدة بس أنا مخنوقة أووي - معلش يا مديحة أتحمليه شويه - هو مش كفاية طفش ماما و ماما أم أمين من البيت - صحيح حاجة غريبة جدا أنك أنتي تكوني بتحبي حماتك كل الحب ده و هي بتحبك كده و هو يبقى متضايق من كدة بدل ما يتبسط - اللي يضايق اكتر أنه بدل ما يتبسط أن مراته فاضيا له و مفرغه نفسها ليه يبقى متضايق و كل اللي شاغله أزاي يخليني أخدمه هو و الخمس عيال لوحدي - هما الرجالة كدة يا مديحة كلهم كدة يا حبيبتي يعني ما بتشوفيش عبد الحليم بيعمل معايه أيه - بشوف يا أختي بشوف - و لا كله كوم و سي ممدوح ده كوم لوحده - مش عارفه ايه اللي بينه و بين صابر - حاجة غريبة فعلا لازق له على طول حاجة مريبة فعلا - و سالم كمان - لا بقى يا هدى أنا عارفة أن سالم جوزك مش ملاك لكن هو يعتبر احسن واحد في رجالتنا - يا اختي أنتوا مخمومين فيه أووي - لا مش مسألة كدة احنا عارفين أن مفيش راجل عدل لكن سالم يهون عن العقارب التانية و لا هو بتاع حريم و لا هو بتاع صرمحة فين و فين لما بيقعد معاهم ع القهوة - فرقها مش كبير يا مديحة - أظن يا هدى لو حاولتي مع سالم ممكن توصلي لنتيجة - أيه هي بقى النتيجة اللي هوصلها - التعامل بينكم هيتغير - في حاجات لما بتموت ما بتصحاش يا منال - ما تعرفيش اخبار علياء العروسة أيه - ههههه أسالي رويتر - يييييه قلنا بلاش رويتر - لا مديحة ما بقتش تعرف حاجة من ساعة ما أمها و حماتها سابولها البيت العيال و شغل البيت بهدلها أخر بهدله أنا أصلا قلت دي مش هتيجي النهاردة - أنا برضوا معرفش عنها حاجة كنت بفكر أسأل عليها و رجعت قلت دي عروسة ما يصحش اتطفل عليها - و أنا يا اختي ليا اطباق عندها قلت هتجيبهم ما سألتش - لحقتي تبعتيلها اكل يا مديحة يعني طلعت لها أهه - يا اختي دا من يوم دخلتها - يا جبروتك طلعت لها يوم دخلتها - يا بنتي كل الحكاية أني افتكرت أن والدتها مشيت و نسيت تسيب لها صينية العشاء صعبت عليا هي و عريسها طلعت لها فرخه محشية و جوز حمام محشي بالفريك غلطت يعني - لا يا اختي كتر خيرك بتفهمي في الأصول - أنا قلت الجار الجديد حقه على جيرانه يبعتو له وجبة عشاء ما بالك أن دول عرسان و بعدين طلعت ثواني ما دخلتش سيبتلها الصينية من ع الباب يا اختي و جريت - عدا كي العيب يا مديحة جدعنة شبرا جواكي لسه - هو حد يقدر ينسى شبرا يا اختي - لا صحيح محدش ينسى أصله - لكن بقالهم أسبوع اهه و لا حس و لا خبر - هههه عرسان يا اختي عايزة تشوفيهم ليه - يا اختي و لا شفنا حد من أهل العريس و لا من أهل العروسة يطمنوا على ولادهم - يا اختي أسكتي أحسن دول شكلهم عقارب و هيخربوا عليهم - فعلا مش مريحين كده - أمه و أمها عاملين زي الضراير - فعلا خصوصا ام العروسة مفيش حاجة عجباها - طب و النبي العريس شاب زي الفل - و لايقين على بعض موت - فعلا كأنهم اتخلقوا لبعض يا اختي ربنا يسعدهم سمعوا صوت طرقات الباب قالت منال - دي أكيد سامية افتحيلها يا مديحة كويس انها جت عشان نشرب القهوة سوى - أتاريكي مش راضيه تعملي لنا القهوة لغاية دلوقتي فتحت مديحة الباب فدخلت سامية قائلة - اخيرا ممدوح نزل زي ما يكون عارف اني نازله لكم قال يطول - مش بعادة يقعد في الوقت ده كده - اصلي أنا اللي رجعت متأخرة من الشغل - عشان كدة بقى - عملتي القهوة و لا لسه يا منال - مستنياكي طبعا - طيب كويس دماغي هتنفجر - بقولك يا سامية صحيح - خير يا مديحة - ما تعرفيش يا اختي جارتك الجديدة دي هتيجي امتى - و أنا أيه عرفني احنا بنعرف منك أنتي الاخبار - ما بقتش يا اختي اعرف حاجة - صحيح حاجة غريبة العرسان جم و دي لسه مجتش - عندي فضول و هموت و أعرف شكلها أيه دي - أشمعنى - بيقولوا أنها حلوة أووي - هما مين دول - مرات صاحب الشقة اللي باعلها شقته شكلها مفروسه منها أووي - ربنا يستر - ما تحطوهاش في دماغكوا أنسوها - ننساها و النبي أنتي رايقة أووي يا هدى - ههههه هي هدى كده صامته سالم أووي - فعلا لو مش متأكدة منه ما تقولش كدة - يا أختي اللي خدته الهانم تاخده مساحة السلالم - ههههه دا أنتي عليكي كلام يا هدى - يا اختي انتي و هي هاتي القهوة دي خلينا نظبط دماغنا - أظبطي يا اختي أظبطي

Free reading for new users

Scan code to download app

App Store Google Play

Facebookexpand_more