Maaga siyang nagising at dumeritso na siya sa kusina dahil kumalam ang tiyan niya, sinigurado ni Ivy na kumain muna siya ng kanin at ulam dahil napansin nitong ang una niyang kinuha ay ang mangga at chocolate spread. Nag-aalala si Ivy na baka daw sumakit ang tiyan niya kaya mabilis itong naghanda ng pagkain nila. Nagrequest siya na magluto ito ng tuyo, itlog at fried rice, na sarap na sarap naman siya, at pagkatapos ay nilantakan naman niya ang mangga.
"Bilib din talaga ako." Sambit niya habang pinapapak ang isang mangga at sinasawsaw sa chocolate spread. Kalabaw na manga iyong kinakain niya ngayon, ang sarap lang pagkamaasim tas nahahaluan ng matamis. Tuwang-tuwa siya na kumukuha sa manga na nasa plato, taga-balat at hiwa niya si Ivy ngayon.
"Bilib ka saan?" Tanong ni Ivy na napapatingi
