Matapos namin mag-usap ni Denver ay agad niya akong hinatid sa aking clinic.
Tahimik na naupo ako sa aking swivel chair habang sapo-sapo ko ng aking palad ang aking mukha.
Kung noon ay sobrang broken-hearted ako dahil kay Charles, ngayon naman ay hindi ko na maintindihan ang sarili ko dahil sa dami ng iniisip ko tulad na lang ng mga nangyari sa amin nitong mga nakaraan ni Declan at ngayon nga ay ito namang planong panliligaw ni Denver sa akin.
Dahil sa patong-patong kong isipin ay natagpuan ko na lang ang aking sarili sa club at nagpakalasing para lang mabawasan ang aking isipin. Kasama ko ng sandaling iyon ang kaibigan ko na si Chloe.
Maraming tao ang nagsasabi na matalino raw ako.
Kaya nga proud na proud sa akin ang mga magulang ko lalo na nang makapag tapos ako bilang isang doktor.
