HINDI mahilig si Vanessa sa mga sorpresang lakad dahil gusto niyang planado ang lahat bago siya umalis. Mas lalong hindi niya gustong humihiwalay sa kanyang kama kapag Sabado ng umaga. Kung siya ang tatanungin, mas gusto niyang ubusin ang weekend kasama si Fern habang tinitikman uli ang bawat parte ng katawan nito na kailangan ng atensiyon niya. Mas okay rin kung "papapakin" siya ng binata na para bang siya ang paborito nitong putahe.
Pero sinira ng tawag ni Penelope ang plano niya para sa araw na iyon. May charity work daw ang barkada nina James at kailangan nilang sumama para makasabwat nila sina Emerald at Emily para sa surprise bridal shower na ibibigay nila kay Champagne. Mahirap daw kasing magplano kung sa text o chat lang kakausapin ang kambal.
Oo, kasama rin si Penelope na inimbi
