'CHLOE, come here in Spain. Divorce your husband, that bastard, and marry Count Alejandro Travieso. Or else your husband will die.'
Napabuga ng hangin si Chloe. Paulit-ulit niyang binasa ang mensahe sa kaniya ng ama. Alam niyang hindi nagbibiro ang kaniyang ama. Kung ano ang sinabi nito. Gagawin nito.
"No. I won't let him hurt Rence. Hindi ako papayag." Pag-iling ni Chloe.
Tumayo si Chloe at lumabas ng mansyon. Nagtungo siya sa garden at umupo sa may pavilion. Nag-iisip siya kung ano ba ang dapat niyang gawin.
Hindi na siya nagtataka kung paano nalaman ng ama na may asawa na siya. Marami itong koneksiyon kaya hindi na siya nagtataka. Ang problema lang ngayon, kapag hindi siya sumunod, siguradong delikado ang buhay ni Lawrence at delikado rin ang negosyo nito.
Nasapo ni Chloe ang nuo.
