Nararamdaman ni Bernard na hanggang ngayon ay masama pa rin ang loob ng mga kaibigan dahil sa naging desisyon niya. Simula nang bumalik sila rito sa hide out, mula sa pakikipag-usap sa Philippine Interpol, na totoo ngang sina Nicolo Gonzales at Reuben, ay hindi na siya kinikibo ng mga ito.
Hanggang ngayon ay kontra pa rin sina A sa pakikipag-ugnayan ni Bernard kina Gonzales, lalong lalo na sa pinakamalaking desisyong ginawa niya. Siguradong hindi lang basta nagtatampo ang mga kaibigan niya kundi nagagalit ang mga ito. Gan'on pa man, desidido na si Bernard. Wala ng makakapigil pa sa paraang pinili niya para masiguro ang kaligtasan ng babaeng minamahal.
"Pare..." Tinapik ni Bernard sa balikat si A. "Balang araw, kapag nagmahal ka, maiintindihan mo rin ang ginawa kong ito."
Seryosong umili
