Medyo masakit ang katawan nang magising si Clara. Ngunit hindi maalis ang ngiti sa mga labi niya. Naalala niya na dahil iyon sa paulit-ulit na nangyari sa kanila ni Bernard, kaninang madaling araw.
Alam ni Clara na walang ano man ang mga nangyayari sa kanila ng binata. Na sinisingil lang siya nito sa utang niya. Pero hindi maipaliwanag ni Clara kung bakit may kakaiba itong dating sa kaniya. Hindi niya maintindihan kung bakit parang unti-unti na siyang nahuhulog kay Bernard.
Muling napangiti ang dalaga. Kinapa niya sa tabi si Bernard subalit wala ito. Ang naroon lang ay ang damit nito. Patunay na sa tabi nga niya natulog ang binata.
Masayang umunat si Clara at naglinis ng katawan. Pagkatapos ay bumaba na siya. Sa hagdanan pa lang ay may naaamoy na siyang mabango. Mukhang sinangag.
"Hind
