"HOW I wish na ganito na lang tayo palagi, Hon. 'Yong sa isa't isa tayo uuwi pagkagaling sa nakakapagod na trabaho. Kapag gano'n siguro, mas gaganahan akong magtrabaho. Baka nga hindi ako makaramdam ng pagod," malambing nitong sabi habang nakabaon ang baba sa kanyang balikat. Parang hinaplos ang kanyang puso nang malaman ang gusto ng binata. Kinilig siya bigla. Napakasarap kasing marinig magmula kay Dimmitry na ang gabi-gabing iniisip niya ay naiisip din pala nito.
"Same here, Hon. But for now, hanggang dito lang muna talaga ang pwede nating gawin, right?" ganting sabi niya. Sukat sa sinabi niyang iyon ay bigla siya nitong ipinihit paharap. Ang dalawang kamay nito ay nalipat ngayon sa kanyang magkabilang balikat.
"No. May magagawa tayo, Althea. Let's talk to your parents, ganoon din sa
